فلسطینی صدر محمود عباس کی اسرائیلی وزیر دفاع بینی گینٹز سے ملاقات

ملاقات میں سیکورٹی تعاون مضبوط بنانے پر بات چیت ہوئی

فلسطینی صدر محمود عباس نے منگل کی شب اسرائیلی وزیر دفاع بینی گینٹز سے ان کے گھر میں ملاقات کی ہے۔

ملاقات کے بعد اسرائیلی وزیر دفاع بینی گینٹز نے اپنی ٹویٹس میں بتایا کہ دونوں شخصیات کے بیچ سیکورٹی تعاون مضبوط بنانے پر بات چیت ہوئی۔ مقامی میڈیا کے مطابق ملاقات ڈھائی گھنٹے جاری رہی۔

عرب میڈیا کے مطابق موجودہ اسرائیلی حکومت کی تشکیل کے بعد فریقین کے درمیان یہ دوسری ملاقات ہے۔ اس سے قبل اکتوبر میں دونوں شخصیات کی رام اللہ میں ملاقات ہوئی تھی جو 2010 کے بعد سے فلسطینی صدر کی اسرائیل کے اندر اسرائیلی وزیر دفاع کے ساتھ پہلی ملاقات تھی۔

ملاقات کے حوالے سے شہری امور کے فلسطینی وزیر حسین الشیخ نے اپنی ٹویٹ میں بتایا کہ فلسطینی صدر اور اسرائیلی وزیر دفاع کے درمیان ملاقات میں سیکورٹی، اقتصادی اور انسانی امور زیر بحث آئے۔

Tabool ads will show in this div