نوازشریف کوبرطانیہ سے دھکا پڑنےکا قوی امکان ہے،شہباز گل

انکے ویزے کی توسیع مسترد ہوچکی ہے
Dec 25, 2021
[caption id="attachment_2472607" align="alignnone" width="800"]Shahbaz Gill Talk Isb Ptv 21-12 فائل فوٹو[/caption]

وزیراعظم کے معاون خصوصی شہباز گل کا کہنا ہے کہ نواز شریف کو برطانیہ سے دھکا پڑنے کا قوی امکان ہے اور اسی کی فضا بنائی جا رہی ہے۔

سماجی رابطے کی ویب سائٹ ٹوئٹر پر شہباز گل نے اپنی ایک ٹوئٹ میں کہا کہ برطانیہ میں نواز شریف کے ویزے کی توسیع مسترد ہوچکی ہے اور معاملہ اپیل میں ہے، انہیں پتا ہے ویزہ منسوخ کرکے بےدخل کیا جائے گا۔

انہوں نے کہا کہ نواز شریف کی بےدخلی کو واپسی کا سیاسی فیصلہ بناکر پیش کیا جا رہا ہے۔

وزیراعظم کے معاون خصوصی نے کہا کہ پہلے بھی کچھ لوگوں کو بیانیہ بنانے کے لیے استعمال کیا گیا، پہلے ’انقلابی نواز شریف‘ اور ’نواز شریف نے کفن باندھ لیا‘ کا بیانیہ بنایا گیا۔

شہباز گل کا کہنا تھا کہ اب پھر کچھ لوگوں کو نیا بیانیہ بنانے کیلئے استعمال کیا جا رہا ہے، نیا بیانیہ ’انقلاب کی معطلی‘ اور اسی اسٹیبلشمنٹ سے ’ڈیل‘ کا ہے۔

Tabool ads will show in this div