سونے کی قیمت میں معمولی کمی

پاکستان اور انٹرنیشنل مارکیٹ میں سونے کی قیمت میں کمی ہوگئی، فی تولہ سونا 250 روپے اور فی اونس 2 ڈالر سستا ہوگیا۔

صراف اینڈ جیولرز ایسوسی ایشن کے مطابق بدھ کو پاکستان میں سونے کے فی تولہ نرخ 250 روپے کمی سے ایک لاکھ 24 ہزار 450 روپے کی سطح پر آگئے جبکہ 10 گرام سونا 214 روپے سستا ہوکر ایک لاکھ 6 ہزار 696 روپے کا ہوگیا۔

پاکستان میں اکتوبر کے آخری ہفتے میں سونا ایک لاکھ 32 ہزار روپے کی ریکارڈ سطح پر پہنچ گیا تھا۔

عالمی مارکیٹ میں سونے کے فی اونس نرخ 17 ڈالر کمی سے 1768 ڈالر پر آگئے۔

ملک میں چاندی کی فی تولہ قیمت 1460 روپے اور 10 گرام 1251.71 روپے میں فروخت ہورہی ہے۔ فی اونس چاندی کے نرخ 0.62 ڈالر اضافے سے 22.78 ڈالر پر آگئے۔