دوسرا ٹی20:ویسٹ انڈیز کو173 رنز کا ہدف

پاکستان نے ویسٹ انڈیز کیخلاف تین میچوں پر مشتمل سیریز کے دوسرے میچ میں 173 رنز کا ہدف دیدیا۔

نیشنل اسٹیڈیم کراچی میں کھیلے جارہے میچ میں قومی ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا، پاکستان نے مقررہ 20 اوورز میں 173 رنز بنانے میں کامیاب ہوئی۔

پاکستان نے اننگز کا آغاز کیا تو کپتان بابراعظم ایک بار پھر ناکام ہوئے اور محض 7 رنز بناکر پویلین لوٹ گئے، فخر زمان 10، محمد نواز 1، آصف علی 9 رنز بناسکے۔

محمد رضوان نے ایک بار پھر ذمہ دارانہ کھیل کا مظاہرہ کیا اور 38 رنز بنائے جبکہ افتخار احمد نے میچ کے اختتامی لمحات میں 19 گیندوں پر جارحانہ 32 رنز کی اننگز کھیلی۔ نوجوان حیدر علی 31 جبکہ شاداب خان نے ناقابل شکست 28 رنز بناکر ٹیم کا اسکور 172 کے مجموعے تک پہنچادیا۔

ویسٹ انڈیز کی جانب سے اوڈین اسمتھ نے دو جبکہ ہیڈن والش، عقیل حسین، روماریو شیپراڈ اور اوشین تھامس نے ایک ایک وکٹ حاصل کی۔

اس سےقبل کپتان بابراعظم نے ٹاس جیت کر پہلے بیٹنگ کرنے کا فیصلہ کرتے ہوئے کہا کہ ٹیم میں کوئی تبدیلی نہیں کی گئی ہے، میچ جیت کر سیریز اپنے نام کرنے کی کوشش کرینگے۔

ویسٹ انڈیز کےکپتان نکولس پورن نے کہا کہ ٹیم میں ایک تبدیلی کی گئی ہے کوشش ہوگی میچ میں کامیابی حاصل کرکے سیریز برابر کرنے کی کوشش کرینگے۔

پاکستان کا اسکواڈ

کپتان بابراعظم، محمد رضوان، فخر زمان، حیدر علی، افتخار احمد، آصف علی، شاداب خان، محمد نواز، محمد وسیم جونیئر، حارث رؤف اور شاہین شاہ آفریدی شامل ہیں۔

ویسٹ انڈیز کا اسکواڈ

کپتان نکولس پورن، شائی ہوپ، برینڈن کنگ، شرمارا بروکس، روومین پوویل، اوڈین اسمتھ، روماریو شیپراڈ، عقیل حسین، ڈومینک ڈریکس، اوشین تھامس اور ہیڈن والش شامل ہیں۔