پی ایس ایل7:کس فرنچائزز نےکن کھلاڑیوں کا انتخاب کیا

پاکستان سپر لیگ (پی ایس ایل) سیزن 7 کی ڈرافٹنگ کا عمل مکمل کرلیا گیا، فرنچائزز نے اپنے 18 رکنی اسکواڈز مکمل کر لیے۔

فرنچائزز اپنے 18 رکنی اسکواڈ کو مکمل کریں گی، جہاں ڈرافٹنگ میں 32 ممالک کے 445 سے زیادہ کھلاڑی شامل تھے جبکہ تقریب نیشنل ہائی پرفارمنس سینٹر کے باب وولمر ہال میں تقریب منعقد ہوئی۔

لاہور قلندرز

لاہور قلندر نے اپنی پہلی پلاٹینیم پِک میں بائیں ہاتھ کے بلےباز فخر زمان اپنے پاس واپس بلالیا ہے، فخر زمان مسلسل 5 سیزن سے لاہور قلندرز کی نمائندگی کررہے ہیں۔

گولڈ کیٹیگری میں قلندرز نے عبداللہ شفیق، فل سالٹ اور ہیری بروک جبکہ سلور کیٹیگری میں کامران غلام اور ڈین فاکس کرافٹ کو بھی سائن کیا۔

ایمرجنگ کیٹیگری میں قلندرز نے زمان خان اور معاذ خان جبکہ سپلیمٹری کھلاڑیوں میں سمت پٹیل اور سید فریدون کو منتخب کیا ہے۔

ملتان سلطانز

ملتان سلطانز نے اپنی پہلی پلاٹینیم پِک میں ٹم ڈیوڈ کو ٹیم میں شامل کیا ہے۔ آسٹریلوی نثراد جارحانہ بلےباز لاہور قلندرز کی نمائندگی کررہے تھے۔

ڈائمنڈ کیٹیگری میں ملتان سلطانز نے اوڈن اسمتھ، سلور کیٹیگری میں آصف آفریدی، رومان رئیس، انور علی، ظفر گوہر، روومین پاول اور عمران خان سنیئر کو اسکواڈ کا حصہ بنایا ہے۔ اسی طرح ایمرجنگ کیٹیگری میں عباس آفریدی اور عامر عظمت کو شامل کیا ہے۔

سپلیمٹری کھلاڑیوں میں سلطانز نے احسان اللہ اور بلیسنگ مزاربانی کو ٹیم میں شامل کیا ہے۔

کراچی کنگز

کراچی کنگز نے اپنی پہلی پلاٹینیم پِک میں کرس جارڈن کو اسکواڈ میں شامل کیا ہے، جارڈن پہلی بھی کراچی کنگز کی نمائندگی کررہے تھے۔

ڈائمنڈ کیٹیگری میں کراچی کنگز نے لیوس گریگوری، سلور کیٹیگری میں عمید آصف، ٹام ایبل، روحیل نذیر اور محمد عمران جونئیر کو اپنے اسکواڈ میں شامل کیا جبکہ ایمرجنگ کیٹیگری میں فیصل اکرم، قاسم اکرم اسکواڈ کی نمائندگی کریں گے۔

سپلیمٹری کھلاڑیوں میں گنگز کی جانب سے طلحہٰ حسن اور رماریو شیفرڈ کو منتخب کیا ہے۔

اسلام آباد یونائیٹڈ

اسلام آباد یونائیٹڈ نے بھی اپنی پِک میں نیوزی لیںڈ کے کولن منرو کو منتخب کیا ہے، یونائینڈ نے منرو کو دوبارہ حاصل کیا ہے۔

ڈائمنڈ کیٹیگری میں اسلام آباد یونائیٹڈ نے مارچنٹ ڈی لانگ، سلور کیٹیگری میں محمد اخلاق، ریس ٹوپلی اور دانش عزیز کو اپنی ٹیم میں جگہ دی ہے۔

ایمرجنگ کیٹیگری میں یونائیٹڈ نے مبشر خان اور ذیشان ضمیر جبکہ سپلیمٹری کھلاڑیوں میں رحمان اللہگزباز اور اطہر محمود کو جگہ دی ہے۔

پشاور زلمی

پشاور زلمی نے پہلی پلاٹینیم پِک میں حضرت اللہ ززئی کو ٹیم میں شامل کیا ہے، زلمی نے وائلڈ کارڈ استعمال کرتے ہوئے ززئی کو دوبارہ اسکواڈ کا حصہ بنایا۔

زلمی نے گولڈ کیٹیگری میں قومی ٹیم کے لیگ اسپنر عثمان قادر، سلور کیٹیگری میں سلمان ارشد، ارشد اقبال، ثمین گل اور کامران کو منتخب کیا۔

ایمرجنگ کیٹیگری میں زلمی نے سراج الدین اور محمد عامر خان جبکہ سپلیمٹری کھلاڑیوں میں نور احمد اور بین کٹنگ کو اپنے اسکواڈ کےلیے چن لیا ہے۔

کوئٹہ گلیڈی ایٹرز

کوئٹہ گلیڈی ایٹرز نے پلاٹینیم پِک میں انگلینڈ ٹیم کے اوپنر جیسن رائے کو ٹیم میں منتخب کیا ہے۔

ڈائمنڈ کیٹیگری میں کوئٹہ گلیڈی ایٹرز نے جیمز فالکنر سلور کیٹیگری میں عمر اکمل، سہیل تنویز، بین ڈکٹ، خرم شہزاد اور نوین الحق کو منتخب کیا۔

ایمرجنگ کیٹیگری میں گلیڈی ایٹرز نے عبدالواحد بنگلزئی اور اشعر قریشی جبکہ سپلیمٹری کھلاڑیوں میں نور احمد اور احسن علی کو ٹیم میں جگہ دی ہے۔

فرنچائزز، انتظامیہ اور چئیرمین پی سی بی رمیز راجا سمیت کئی سابق کھلاڑی اور کوچز اپنی ٹیموں کے ہمراہ پی ایس ایل 7 ڈرافٹنگ کےلیے پہنچے ہیں۔

ڈرافٹنگ کی تقریب کے دوران چئیرمین پی سی بی رمیز راجا کا کہنا تھا کہ کوشش ہوگی پاکستان سپر لیگ کو دنیا کی بہترین لیگ بنائیں، میری فرنچائزرز سے گزارش ہے کہ وہ ہمیں سپورٹ کریں تاکہ پاکستان نام روشن ہو۔

چئیرمین پی سی بی نے کہا کہ عارف حبیب گروپ نے ڈراپ اِن پچز دینے کا اعلان کیا ہے جس کےلیے ایم او یو جلد سائن کرلیا جائے گا تاہم دو پچز کی مالیت 37 کروڑ روپے سے زائد ہوگی۔

? ?#HBLPSLDraft l #HBLPSL7 pic.twitter.com/vrjOglTIUM

— PakistanSuperLeague (@thePSLt20) December 12, 2021

ڈراپ اِن پچز کی خصوصیت یہ ہے کہ 'ان پچز کو ایک جگہ سے دوسری جگہ منتقل کیا جاسکتا ہے جبکہ انہیں آسٹریلیا اور انگلیڈ سمیت کئی ممالک استعمال کرتے ہیں۔

پلاٹینیم کیٹیگری میں لاہور قلندرز کی پہلی پِک ہے جس کے ببعد باالترتیب ملتان سلطانز، کراچی کنگز، اسلام آباد یونائیٹڈ، پشاور زلمی اور کوئٹہ گلیڈی ایٹرز کی باری آئے گی۔

The excitement begins soon. Are you tuned in? #HBLPSLDraft I #HBLPSL7 pic.twitter.com/3dOioTA4dG

— PakistanSuperLeague (@thePSLt20) December 12, 2021

Spot the stars ?

Stay tuned, the action begins at 3:45 PM! Watch Live: https://t.co/2WyC5pYu0Y #HBLPSLDraft l #HBLPSL7 pic.twitter.com/9NgR6V8znb — PakistanSuperLeague (@thePSLt20) December 12, 2021

کراچی کنگز، اسلام آباد یونائیٹڈ، لاہور قلندرز اور پشاور زلمی نے اپنے 8 کھلاڑیوں کو برقرار رکھا ہے جبکہ دفاعی ملتان سلطانز اور کوئٹہ گلیڈی ایٹرز نے 7،7 کھلاڑیوں کو برقرار رکھا ہے۔

پی ایس ایل7:کئی بڑےناموں کو فرنچائز نےچھوڑ دیا

واضح رہے کہ پاکستان سپر لیگ 7 کا ایڈیشن اگلے سال 27 جنوری سے 27 فروری تک ہونے ہوگا جس کا باقاعدہ اعلان کردیا گیا ہے۔

THE #HBLPSL7 RETENTIONS ARE IN! @rashidkhan_19 at @lahoreqalandars, @babarazam258 at @KarachiKingsARY, @AlexHales1 at @IsbUnited, @liaml4893 at @PeshawarZalmi, @Sarfaraz_54 at @TeamQuetta and @iMRizwanPak at @MultanSultans!

More here:https://t.co/MKgCajyDED#HBLPSLDraft pic.twitter.com/BudC8J8fbJ — PakistanSuperLeague (@thePSLt20) December 10, 2021

ایونٹ کے پہلے مرحلے کے تمام 15 میچز کراچی جبکہ 19 میچز لاہور میں کھیلے جائیں گے جبکہ ایونٹ کا افتتاحی میچ ملتان سلطانز اور کراچی کنگز کے مابین کھیلا جائے گا۔