ویسٹ انڈیزکیخلاف سیریز:قومی کرکٹرز آج ہوٹل میں رپورٹ کرینگے

ویسٹ انڈیز کیخلاف ہوم سیریز کے لیے قومی ٹی20 اسکواڈ کے ارکان آج شام کراچی کے نجی ہوٹل میں بائیو سیکیور ببل میں رپورٹ کریں گے۔

رپورٹ کے مطابق قومی ٹیم کے کرکٹرز ہوٹل پہنچنے پر اسکواڈ کے ارکان کوویڈ-19 ٹیسٹنگ ہوگی جس کے بعد وہ ہوٹل میں قرنطینہ کرینگے۔

قومی اسکواڈ میں شامل کھلاڑیوں میں شاداب خان، آصف علی، حارث رؤف، فخر زمان، حیدر علی، افتخار احمد، خوشدل شاہ، محمد حسنین، محمد نواز، عثمان قادر، شاہنواز دھانی اور محمد وسیم جونئیر شامل ہیں۔

دوسری جانب کپتان بابراعظم، محمد رضوان اور شاہین شاہ آفریدی بنگلہ دیش سے کراچی پہنچیں گے، قومی ٹی20 اسکواڈ 10 دسمبر کو ٹریننگ کا آغاز کرے گا۔

ویسٹ انڈیز کیخلاف سیریز: قومی اسکواڈ کا اعلان

واضح رہے کہ ویسٹ انڈیز کے خلاف 3 ٹی20 میچز پر مشتمل سیریز کا آغاز 13 دسمبر سے کراچی میں ہوگا جبکہ ون ڈے سیریز 18 دسمبر سے کھیلی جائے گی۔

دوسری جانب ویسٹ انڈیز کیخلاف سینئیر کھلاڑیوں کو آرام کروایا جائے گا جس میں شعیب ملک،عماد وسیم سرفراز احمد اور محمد حفیظ کے نام شامل ہیں۔