جن پرمقدمات چل رہےہیں انکےبیانات کی کوئی حیثیت نہیں،چئیرمین نیب

پارلیمنٹ کا ہمیشہ احترام کیا ہے
Dec 07, 2021

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2020/12/Chairman-NAB-in-Parliament-Sot-07-12.mp4"][/video]

چئیرمین نیب جاوید اقبال نے کہا ہے کہ جن افراد پرمقدمات چل رہے ہیں ان کے بیانات کی کوئی حیثیت نہیں ہے۔

منگل کو چئیرمین نیب جسٹس ریٹائرڈجاوید اقبال پبلک اکاؤنٹس کمیٹی میں پیش ہوئے۔ اس موقع پرسماء سے گفتگو میں انھوں نے بتایا کہ پارلیمنٹ کا ہمیشہ احترام کیا ہے اور کریں گے۔ پارلیمنٹ کی اہمیت مسلمہ ہے۔چیئرمین نیب نے بتایا کہ  ماضی میں مصروفیت کی وجہ سے پارلیمنٹ نہیں آسکا تھا۔

چیئرمین نیب سے سوال کیا گیا کہ سابق وزیراعظم اور لیگی رہنما شاہد خاقان عباسی  نے کہا کہ آپ ڈیلی ویجز چیئرمین نیب ہیں؟۔ اس پر انھوں نے جواب دیا کہ جن پرمقدمات چل رہے ہیں ان کے بیانات کی کوئی حیثیت نہیں ہے۔

جاوید اقبال نے واضح کیا کہ مخصوص لوگوں کے احتساب کی بات کرنا بھی 100 فیصد غلط ہے، ایسا احتساب ماضی میں ہوا نہ کبھی ہوگا۔چیئرمین نیب سے مزید سوال کیا گیا کہ آپ کے خلاف تحریک استحقاق جمع ہے۔ اس پر انھوں نے جواب دیا کہ اس کا سامنا بھی کرلیں گے۔

جس ملک کا نظام آئین کےمطابق نہ ہووہ ملک ترقی نہیں کرتا،شاہدخاقان

 واضح رہے کہ منگل کو احتساب عدالت کے باہر صحافیوں سے بات کرتےہوئے سابق وزیراعظم شاہد خاقان عباسی نے کہا کہ چئیرمین نیب خود ڈیلی ویج پر ہیں۔ صدر مملکت آنکھیں بند کرکے آرڈیننس پر دستخط کرتے رہتے ہیں لیکن 4 ماہ سے چئیرمین نیب کی تعیناتی پر فیصلہ نہیں کرسکے۔

Chairman NAB

Tabool ads will show in this div