برطانوی قونصل جنرل نے اسلام قبول کرلیا

سعودی عرب میں تعینات برطانوی قونصل جنرل نے اسلام قبول کرلیا۔ برطانوی قونصل جنرل کی تصویر بھی سوشل میڈیا پر وائرل ہوگئی۔

مائیکرو بلاگنگ سائٹ پر برطانوی قونصل جنرل نے بتایا کہ انہوں نے اپنا نیا اسلامی نام سیف اشر رکھا ہے۔

أنا سعيد جدًا بالعودة إلى مدينتي المفضلة - المدينة المنورة - وصلاة الفجر في المسجد النبوي ??? pic.twitter.com/DFdxJUrAaS

— Seif Usher سيف اشر (@seifusher) November 10, 2021

سیف نے 10 نومبر بروز بدھ مسجد نبویﷺ میں حاضری دی اور نمازفجر بھی ادا کی۔ اس موقع پر انہوں نے نہایت خوشی کا اظہار کیا۔

یہاں یہ بات بھی قابل ذکر ہے کہ سیف اشر سے قبل سعودی عرب میں تعینات برطانوی سفیر سائمن کولس نے بھی سال 2016 میں اسلام قبول کیا۔ صرف یہ ہی نہیں بلکہ وہ پہلے برطانوی سفیر تھے جنہوں نے اسلام قبول کرنے کے بعد سال 2016 میں حج بھی ادا کیا۔

وہ سال 2015 سے سعودی عرب میں مقیم تھے، جب کہ وہ متعدد مسلم ممالک میں بھی سفیر کی حیثیت سے فرائض سر انجام دے چکے ہیں۔ بعد ازاں انہوں نے مسلم خاتون سے شادی کی۔