راولپنڈی اوراسلام آباد میں ڈینگی کے مریضوں کی تعداد بڑھ گئی

دارالحکومت میں اب تک 4 ہزار315 افراد ڈینگی سےمتاثرہوچکےہیں

راولپنڈی اور اسلام آباد میں ڈینگی کے مریضوں کی تعداد بڑھنے لگی ہے۔گزشتہ 24 گھنٹے کے دوران جڑواں شہروں میں  مزید 50 افراد ڈینگی سے متاثر ہوگئے۔

ڈسٹرکٹ ہیلتھ آفیسر زعیم ضیاء نے بتایا ہے کہ 24 گھنٹے میں اسلام آباد سے ڈینگی کے 24 کیسز رپورٹ ہوئے۔ڈی ایچ اواسلام آباد کے مطابق وفاقی دارالحکومت میں اب تک  4 ہزار315 افراد ڈینگی سے متاثر ہوچکے ہیں۔

اسلام آباد کے دیہی علاقوں سے 11 کیسز رپورٹ ہوئے جبکہ شہری علاقوں کے 12 افراد متاثر ہوئے۔اسلام آباد میں اب تک ڈینگی کےباعث 19 مریض جاں بحق ہوچکے ہیں۔

راول پنڈی سے گزشتہ 24 گھنٹے کے دوران ڈینگی کے 26 کیسز سامنے آئے۔راول پنڈی میں ڈینگی کےمجموعی مریضوں کی تعداد 2 ہزار857 ہوچکی ہے۔

ہولی فیملی اسپتال میں ڈینگی کے 9 جبکہ بینظیر بھٹو اسپتال میں  6مریض لائے گئے۔ ڈی ایچ کیو اسپتال میں بھی 11 مریض داخل ہوئے۔

Tabool ads will show in this div