سابق گورنرسندھ عشرت العباد اورفاروق ستارکی دبئی میں ملاقات

ملاقات کی مزید تفصیلات جاری نہیں کی گئیں
[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2020/11/ISHRAT-UL-IBAD-FAROOQUE-SATTAR-MEETING-KHI-13-11.mp4"][/video]

سندھ کے سابق گورنر ڈاکٹر عشرت العباد خان اور ایم کیو ایم کے سینیر رہنما فاروق ستار نے جمعہ 12 نومبر کو دبئی میں ملاقات کی۔

دونوں رہنماؤں کے درميان گزشتہ رات ہونے والی ملاقات کئی گھنٹے جاری رہی۔ ملاقات ميں ملکی خصوصاً سندھ کی سياست پر تبادلہ خيال کيا گيا۔ اس موقع پر سياسی اختلافات بھلا کر ايک ہونے کی ضرورت پر بھی زور ديا گيا۔

ملک کے استحکام اور کراچی کے عوام میں بڑھتے ہوئے احساس محرومی کے خاتمے کو دونوں رہنمائوں نے ناگزیر قرار دیا۔

ملاقات ميں اس بات پر بھی اتفاق کیا گيا کہ اپنے تجربے اور سیاسی بصیرت کے ساتھ دیگر سیاسی اکابرین سے بھی رابطہ کیا جائے تاکہ وہ بھی مشترکا جدوجہد میں شامل ہوسکیں۔

ملاقات میں سابق گورنر سندھ عشرت العباد نے کہا کہ کراچی وہ قومی کردار ادا کرنے سے قاصر ہیں، جس کی ملک کو ضرورت ہے۔ ماضی کی تلخ یادوں کو بھول کر قومی اجتماعی مفاد میں آگے بڑھا جائے۔

اس موقع پر ایم کیو ایم تنظیمی بحالی کے سربراہ فاروق ستار کا کہنا تھا کہ قوم کو مایوسی سے نکالا جائے گا اور مستقبل کے سفر کی سمت کا تعین کیا جائے، چیلنجزسے نمٹنے کیلئے قومی میثاق برائے استحکام اور تعمیر و ترقی طے کیا جائے۔

دونوں رہنماؤں کی جانب سے ملاقات سے متعلق کوئی تفصیلات جاری نہیں کی گئی ہیں۔

واضح رہے کہ اس سے قبل ایم کیو ایم کے رہنما عامر خان نے میڈیا سے گفتگو میں سابق گورنر سمیت دیگر رہنماؤں کو شمولیت کی دعوت دیتے ہوئے کہا تھا کہ میں سب کو دعوت دیتا ہوں ایم کیو ایم میں شامل ہو کر اسے مضبوط کریں اور ہمارے دروازے سب کے لیے کھلے ہیں، جب کہ شمولیت کرنے والوں کو احترام اور عزت کے ساتھ خوش آمدید کہا جائے گا اور انہیں دل سے قبول کیا جائے گا۔

FAROOQ SATTAR

ISHRAT UL EBAD KHAN

Tabool ads will show in this div