پانچ میچز پانچ مین آف دی میچ،پاکستان کاانوکھا ریکارڈ

ٹی20 ورلڈکپ میں پاکستانی کھلاڑیوں کی جانب سے ریکارڈز بنانے کا سلسلہ جاری ہے، پاکستان نے ایونٹ 5 میچز کھیلے اور پانچوں میں کامیابی حاصل ہوئی جبکہ انوکھی بات یہ تھی کہ تمام میچوں میں قومی ٹیم کےلیے الگ کھلاڑی نے ٹیم کو انفرادی کارکردگی سے "مین آف دی میچ" کا اعزاز حاصل کیا۔

ایونٹ میں پاکستان کا پہلا میچ بھارت سے تھا، میچ میں پاکستان نے شاہین آفریدی، بابر اعظم اور محمد رضوان کی بہترین کارکردگی کی بدولت کامیابی حاصل کی۔ شاہین افریدی نے چار اوورز میں 31 رنز دے کر تین کھلاڑیوں کو آؤٹ کیا اور میچ کے بہترین کھلاڑی کا اعزاز اپنے نام کیا تھا۔

دوسرے میچ میں نیوزی لینڈ کے خلاف میچ میں حارث رؤف نے یہ اعزاز حاصل کیا۔ انہوں نے 4 اوورز میں22رنز دے کر4 وکٹیں اپنے نام کی تھیں۔ افغانستان کے خلاف میچ کے بہترین کھلاڑی آصف علی بنے، انہوں نے 7 گیندوں پر 4 لمبے چھکوں کی مدد سے یہ اعزاز حاصل کیا۔ انہوں نے 25 رنز بنائے۔

Five games Five wins Five different Players of the Matches#Pakistan #T20WorldCup pic.twitter.com/4o7ghkglQz

— ESPNcricinfo (@ESPNcricinfo) November 7, 2021

بابراعظم نےٹی20ورلڈکپ میں ٹیم کی کامیابیوں کاراز بتادیا

نمیبیا کے خلاف میچ کے مرد میدان محمد رضوان قرار پائے، انہیں 50گیندوں پر 79رنز کی اننگز کھیلنے پر اعزاز ملا جبکہ پاکستان کے آخری گروپ میچ میں اسکاٹ لینڈ کے خلاف یہ اعزاز شعیب ملک نے حاصل کیا۔ انہوں نے 18 گیندوں پر 54 رنز بنا کر میچ کے بہترین کھلاڑی کا ایوارڈ جیتا۔