عراقی وزیراعظم کے گھر پر ڈرون حملہ

بغداد میں عراقی وزیراعظم مصطفیٰ کاظمی کے گھر پر ڈرون حملہ کیا گیا۔

سیکیورٹی حکام کا کہنا ہے کہ مسلح ڈرون کے ذریعے بغداد میں وزیراعظم مصطفیٰ الکاظمی کی رہائش گاہ کو نشانہ بنایا گیا تھا تاہم وزیراعظم اس میں محفوظ رہے۔

العربیہ نیوز کے مطابق اس حملے کے نتیجے میں 5 سے زائد افراد زخمی ہوئے۔ حملے میں بغیر پائلٹ مسلح ڈرون کو استعمال کیا گیا، حملے کے بعد بغداد کے گرین زون میں شدید فائرنگ بھی ہوئی۔

عراقی جوائنٹ آپریشنز کمانڈ نے اعلان کیا کہ وزیر اعظم مصطفیٰ الکاظمی کو اتوار کی صبح بغداد میں ان کی رہائش گاہ پر نشانہ بنانے والے “ڈرون بم” کے ذریعے قاتلانہ حملے کی کوشش کو ناکام بنا دیا گیا۔

Sirens are heard in the Green Zone after multiple explosions resounded within the vicinity of Prime Minister Mustafa Al-Kadhimi's residence. pic.twitter.com/t26LG5pTnd

— hurtg0d✌️ (@ultradeadd) November 7, 2021

حکام کا کہنا ہے کہ حملے کی تحقیقات کی جا رہی ہیں۔ الکاظمی نے قاتلانہ حملے کی ناکام کوشش میں بچ جانے کے بعد ٹوئٹر پر ایک ٹویٹ پوسٹ کی جس میں انہوں نے کہا کہ میں ٹھیک ہوں، الحمد للہ، اپنے عوام کے درمیان ہوں اور میں عراق کی خاطر سب سے پرسکون اور تحمل کا مطالبہ کرتا ہوں۔

#BREAKING An explosion was heard in the vicinity of the home of #Iraqi Prime Minister Mustafa Al-Kadhimi in the Iraqi capital, #Baghdad. pic.twitter.com/RN2X7wCf4d

— lafaw Osman (@Lafaw_Osman) November 7, 2021

انہوں نے مزید کہا کہ غداروں کے میزائل مومنین کے عزم اور حوصلوں کو پسپا نہیں کرسکتے۔ لوگوں کی سلامتی، انصاف کے حصول اور قانون کے نفاذ کیلئے ہماری بہادر سیکیورٹی فورسز کی استقامت اور اصرار پر کوئی آنچ نہیں آنے دی جائے گی۔

میڈیا رپورٹس کے مطابق حملہ ایسے وقت میں کیا گیا جب عراق میں 10 اکتوبر کے انتخابی نتائج کے خلاف مظاہرے کیے جا رہے ہیں۔