کیا یہ دنیا کا سب سے بڑا آلو ہے؟

اس سے قبل یہ ریکارڈ برطانیہ کے پاس تھا
Nov 05, 2021
فائل فوٹو
فائل فوٹو
[caption id="attachment_2426533" align="alignnone" width="900"] فائل فوٹو[/caption]

کیا آپ نے کبھی سوچا ہے کہ آپ کسی روز چلتے جا رہے ہو اور اچانک آپ کا پاؤں کسی بڑی بھاری چیز سے ٹکراتا ہے اور جب آپ اس چیز کو نکل کر دیکھتے ہیں تو وہ ایک دیو قامت آلو ہوتا ہے۔ آپ کے ساتھ نہ سہی مگر نیوزی لینڈ کے جوڑے کے ساتھ یہ ضرور ہوا ہے۔

امریکی ذرائع ابلاغ کے ادارے نیشنل پبلک ریڈیو ( این پی آر ) کے مطابق نیوزی لینڈ میں مقیم کولن اور ڈونا کریگ اپنے گارڈن کی صفائی کر رہے تھے کہ اچانک کولن کے پاؤں کسی چیز سے ٹکرایا جو زمین کے نیچے موجود تھی۔

New Zealand Huge Potato

دونوں نے جب زیرِ زمین مٹی میں پھنسی اس چیز کو باہر نکالنے فوراً اس جگہ کی کھدائی شروع کی تو انہیں ایک عجیب و غریب سی شکل کی چیز نظر آئی جسے انہوں نے باہر نکال کر کانٹے والے چمچے کی مدد سے اس کی تھوڑی سے سطح کُھرچ کر اسے چکھا۔ جیسے ہی انہوں نے زمین سے نکلنے والی اس چیز کو چکھا تو انہیں معلوم ہوا کہ یہ تو ایک آلو ہے۔

New Zealand Huge Potato

ڈونا کریگ کا کہنا تھا کہ انہیں یقین نہیں ہو رہا تھا کہ یہ بہت بڑا تھا اور دکھنے میں بہت عجیب سا تھا۔ کیوی جوڑے کے مطابق اس آلو کا وزن 7 کلو 900 گرام ہے، جو ایک چھوٹے کتے کے برابر ہے اور شاید یہ دنیا کا سب سے بڑا آلو ہو سکتا ہے۔New Zealand Huge Potato

دوسری جانب امریکی خبر رساں ادارے ایسوسی ایٹڈ پریس کے مطابق 30 اگست کو آلو دریافت ہونے کے بعد جوڑے کا آلو کا چھوٹا سا فارم مقبول ہوگیا۔ انہوں نے اس آلو کا نام پوٹیٹو ڈوگ' رکھا ہے۔ نیوزی لینڈ میں مقیم کولن اور ڈونا کریگ نے آلو کو ایک جگہ سے دوسری جگہ منتقل کرنے کیلئے ایک چھوٹی کارٹ بھی بنا رکھی ہے اور وہ اسے اپنے ساتھ باہر لے کر بھی جاتے ہیں جس سے لوگ محظوظ ہوتے ہیں۔

واضح رہے کہ اس سے قبل دنیا کے سب سے بڑے آلو کا گنیز ورلڈ ریکارڈ برطانیہ کے پاس ہے، یہ ریکارڈ سال 2011 میں درج کیا گیا تھا۔ برطانیہ میں ملنے والی آلو کا وزن 5 کلو تھا۔ نیوزی لینڈ کے جوڑے کا کہنا ہے کہ انہوں نے بھی ڈوگ کیلئے گنیز ورلڈ ریکارڈ میں درخواست درج کر رکھی ہے اور وہ ان کے جواب کے منتظر ہیں۔

New Zealand Huge Potato

آلو کی حفاظت سے متعلق ان کا کہنا تھا وہ آلو کو اپنے ساتھ باہر لے کر جاتے ہیں جس کی وجہ سے وہ خشک ہونے کے ساتھ ساتھ اپنا وزن بھی کھو رہا ہے جب کہ اس میں پھپھوندی بھی لگنا شروع ہو گئی ہے۔ وہ اسے صاف کرنے کے بعد فریزر میں رکھتے ہیں تا کہ یہ خراب نہ ہو۔

FARM

GUINNEES

Tabool ads will show in this div