پی ٹی آئی رہنما کا سعد رضوی کو گلدستہ پیش کرنیکا اعلان

انتخابی اتحاد کا بھی اشارہ دیدیا
Nov 03, 2021
فائل فوٹو

حکمراں جماعت پاکستان تحریک انصاف کے رہنما اعجاز چوہدری نے اعلان کرتے ہوئے کہا ہے کہ تحریک لبیک پاکستان کے سربراہ حافظ سعد حسین رضوی جب جیل سے رہا ہونگے تو وہ انہیں گلدستہ پیش کرینگے۔

سما سے خصوصی گفتگو میں سینیٹر اعجاز چوہدری نے کالعدم تحریک لبیک کیساتھ انتخابی اتحاد کا اشارہ بھی دے دیا۔ ان کا کہنا تھا کہ سعد رضوی کی رہائی پر ان کے پاس جاؤں گا۔

دوسری جانب وفاقی وزیر اطلاعات و نشریات فواد چوہدری کا کہنا ہے کہ ایسا اتحاد عالمی سطح پر خود کو تنہا کرنے کے مترادف ہے۔

اعجاز چوہدری کا مزید کہنا تھا کہ کالعدم ٹی ایل پی کیساتھ پنجاب میں سیٹ ایڈجسٹمنٹ پر غور جاری ہے۔ لاہور میں این اے ایک سو تنتیس کے ضمنی الیکشن میں بھی انتخابی اتحاد ہوسکتا ہے، انہوں نے اپنی بات کو واضح کرتے ہوئے کہا کہ ناموس رسالت {ص} کے حوالے سے ہمارا اور ان کا مؤقف ایک ہے۔ حکومت اور کالعدم جماعت کے درمیان معاہدے کو خوش آئند بات ہے۔

واضح رہے کہ کالعدم ٹی ایل پی کے سربراہ سعد حسین رضوی ان دنوں پنجاب کی جیل میں زیر حراست ہے۔ ان کی رہائی کے خلاف تنظیم کی جانب سے سپریم کورٹ لاہور رجسٹری میں درخواست دائر کی گئی ہے۔

سعد رضوی کو رواں سال نقص امن کیلئے خطرہ اور ملک بھر میں کالعدم تنظیم کے مظاہروں اور سرکاری املاک کو نقصان پہنچانے کے بعد پنجاب حکومت کی جانب سے گرفتار کیا گیا تھا۔

ejaz chaudhary

TLP

SAAD RIZVI

Tabool ads will show in this div