گلاسکو:اہم اجلاس میں امریکی صدر کی آنکھ لگ گئی

بائیڈن کے چہرے پر ماسک موجود تھا

اسکاٹ لینڈ میں موسمیاتی تبدیلی کے اجلاس کے موقع پر خطاب کے دوران شرکاء میں بیٹھے امریکی صدر جوبائیڈن کی آنکھ لگ گئی۔

غیرملکی ٹی وی نے ٹویٹ کرتےہوئے بتایا ہے کہ گلاسکو میں امریکی صدر موسمیاتی تبدیلی سے متعلق اجلاس میں شریک تھے۔ اس موقع پر ایک تقریر کے دوران جو بائیڈن پر نیند کا غلبہ طاری ہوا اور ان کی آنکھیں بند ہوگئیں۔ تھوڑے وقفےکے بعد امریکی صدر سے ان کے معاون نے آکر کچھ گفتگو کی تو بائیڈن نے آنکھیں کھول دیں۔

اس دوران جو بائیڈن کے چہرے پر ماسک موجود تھا اور وہ ادھرادھر دیکھ رہے تھے لیکن ان کی آنکھوں میں نیند واضح تھی۔ خطاب کے آخر میں جوبائیڈن اپنی آنکھوں کو ملتے ہوئے بھی دکھائی دئیے۔

اس سے قبل امريکي صدرجوبائيڈن نے ماحولياتی کانفرنس سےخطاب میں کہا کہ امریکا اپنے موسمیاتی اہداف کو پورا کرے گا اور ترقی پذیر ممالک کی بھی مدد کی جائے گی۔امریکی صدر نے اس عزم کا اظہار کیا کہ امریکا گرین ہاؤس گیسوں کے اخراج میں کمی لائے گا۔

JOE BIDEN

Tabool ads will show in this div