سی ٹی ڈی کے پنجاب میں آپریشنز،7 دہشت گرد گرفتار

محکمہ انسداد دہشت گردی پنجاب نے صوبے بھر میں خفیہ اطلاعات پر کیے گئے آپریشنز کے دوران 7 دہشت گردوں کو گرفتار کرلیا۔

محکمہ انسداد دہشت گردی ( پنجاب) کی جانب سے جاری بیان کے مطابق سیکیورٹی فورسز کی جانب سے صوبے بھر میں خفیہ اطلاعات پر آپریشنز کیے گئے۔

آپریشنز کے دوران مختلف مقامات سے 7 دہشت گردوں کو گرفتار کیا گیا۔ حافظ آباد کے علاقے سے 3 دہشت گردوں کی گرفتاری عمل میں لائی گئی۔

حکام کے مطابق رحیم یار خان اور جھنگ سے بھی دہشت گردوں کو گرفتار کیا گیا۔ دہشت گردوں کے قبضے سے بارودی مواد، تخریبی مواد، کمپیوٹر اور موبائل فونز برآمد کیے گئے۔

حکام کا مزید کہنا ہے کہ گرفتار دہشت گردوں کا تعلق کالعدم لشکر جھنگوی سے ہے، جو اہل تشیع کے خلاف مذہبی منافقرت سے متعلق مواد تقسیم کر رہے تھے۔

دہشت گردوں کے قبضے سے شناختی کارڈز اور نقدی رقم بھی برآمد کی گئی ہے۔ دہشت گردوں کو تفتیش کیلئے نامعلوم مقام پر منتقل کر دیا گیا ہے۔