آئندہ انتخابات الیکٹرانک ووٹنگ مشین سے ہونگے، شبلی فراز

شبلی فراز کہتے ہیں کہ آئندہ انتخابات اليکٹرانک ووٹنگ مشين کے ذريعے ہوں گے، وزيراعظم چاہتے ہيں کہ ہارنے اور جيتنے والا دونوں انتخابی نتائج تسليم کرے۔

وفاقی وزیر سائنس اینڈ ٹیکنالوجی شبلی فراز نے کراچی میں ایم کیو ایم پاکستان کے مرکز بہادرآباد کا دورہ کیا جہاں انہوں نے متحدہ قیادت سے ملاقات کی۔

اس موقع پر ڈاکٹر خالد مقبول صدیقی، عامر خان، وسیم اختر، کنور نوید جمیل، وفاقی وزیر امین الحق، سینیٹر فیصل سبزواری سمیت ایم کیو ایم پاکستان کے دیگر رہنماء موجود تھے۔

شبلی فراز نے ایم کیو ایم پاکستان کے رہنماؤں کو الیکٹرانک ووٹنگ مشین پر بریفنگ دی۔ جس کے بعد میڈیا سے گفتگو کرتے ہوئے انہوں نے کہا کہ 2023ء کا اليکشن اليکٹرانک ووٹنگ مشين کے ذريعے ہوگا، حکومت کوئی مشينيں تھوپنا نہيں چاہتی۔

ان کا کہنا تھا کہ اليکشن کا موجودہ طريقۂ کار تنازعات کا شکار ہوتا ہے، وزيراعظم چاہتے ہيں کہ الیکشن ہارنے اور جيتنے والا دونوں نتائج تسليم کريں۔