داعش کا سربراہ ہلاک ہوگیا

فائل فوٹو

فرانسیسی فوجیوں کے آپریشن میں داعش کے سربراہ کو ہلاک کردیا گیا۔

فرانسیسی خبر رساں ادارے اے ایف پی کی رپورٹ کے مطابق فرانسیسی صدر ایمانوئل میکرون نے تصدیق کرتے ہوئے بتایا کہ گریٹر صحارا میں فرانسیسی فوجیوں کے ایک آپریشن کے دوران دولتِ اسلامیہ (داعش) کے سربراہ کو ہلاک کردیا گیا ہے۔

فرانسیسی خبر ایجنسی کے مطابق داعش کا لیڈر عدنان ابو ولید امریکی فوجیوں اور غیر ملکی امدادی کارکنوں پر حملوں میں مطلوب تھا۔ فرانسیسی صدر کی جانب سے مائیکرو بلاگنگ سائٹ پر عدنان ابو ولید کی ہلاکت کی اطلاع دی گئی۔

انہوں نے مزید لکھا کہ عدنان ابو ولید فرانسیسی افواج کے ہاتھوں مارا گیا ہے۔ دہشت گرد گروہوں کے خلاف جنگ میں یہ ہماری ایک اور بڑی کامیابی ہے۔

فرانسیسی صدر کی جانب سے فوجی آپریشن کی مزید تفصیلات جاری نہیں کی گئی ہیں۔

Adnan Abou Walid al Sahraoui, chef du groupe terroriste État islamique au Grand Sahara a été neutralisé par les forces françaises. Il s’agit d’un nouveau succès majeur dans le combat que nous menons contre les groupes terroristes au Sahel.

— Emmanuel Macron (@EmmanuelMacron) September 15, 2021

Le chef de l’EIGS - n°1 de Daech au Sahel - est mort à la suite d’une frappe de la force Barkhane. Je félicite les militaires et agents de renseignement qui ont contribué à cette traque de longue haleine. C’est un coup décisif contre ce groupe terroriste. Notre combat continue. https://t.co/zqNPB3HCRN

— Florence Parly (@florence_parly) September 15, 2021

فرانسیسی وزیر دفاع فلورنس پارلے کا کہنا ہے کہ یہ دہشت گردوں کیلئے ایک بہت بڑا دھچکہ ہے۔ ہماری دہشت گردی کے خلاف جنگ جاری رہے گی۔ اس موقع پر انہوں نے فوجی آپریشن میں شریک اہل کاروں اور انٹیلی جنس کو مبارک باد بھی دی۔ فلورنس کا مزید کہنا تھا کہ طویل عرصے سے عدنان ابو ولید کی تلاش جاری تھی جو بالا آخر ختم ہوئی۔

فرانسیسی وزیر دفاع کے مطابق داعش سربراہ کو فرانسیسی بار خانے فورسز نے ہلاک کیا۔