امراللہ صالح کے گھر سے لاکھوں ڈالر برآمد، طالبان کادعویٰ

 افغان طالبان نے سابق افغان نائب صدر امراللہ صالح کے گھر سے لاکھوں ڈالر اور سونے سے بھرے بیگ برآمد کرنے کا دعویٰ کیا ہے۔

افغان طالبان سے منسلک ٹویٹر اکاؤنٹس پر طالبان کی جانب سے ایسی ویڈیو شیئر کی جارہی ہیں جس میں طالبان جنگجو ڈالر اور سونے سے بھرے بیگ دکھا رہے ہیں جس میں یہ دعویٰ کیا گیا ہے کہ یہ امراللہ صالح کے گھر سے برآمد ہوئے ہیں۔

پنج شیر مزاحمتی ملیشیا کے رہنما امر اللہ صالح کی جانب سے تاحال اس حوالے سے کوئی بیان سامنے نہیں آیا۔

This is the video of money stolen by Amrullah Saleh. Around 6.5 million US dollars and goldbricks were found at his house. This is only the tip of the iceberg. pic.twitter.com/8hQR5nsdWB

— Muhammad Jalal (@MJalal700) September 13, 2021

امراللہ صالح طالبان کی جانب سے کابل پر قبضے کے بعد پنج شیر منتقل ہوگئے تھے، جہاں انہوں نے طالبان کیخلاف مزاحمت کا اعلان کیا تھا۔ تاہم طالبان کی جانب سے پنج شیر پر قبضے کے بعد امرللہ صالح منظر سے غائب ہیں جن کے بارے میں کہا جارہا ہے کہ وہ بیرون ملک کسی محفوظ مقام پر منتقل ہوچکے ہیں۔