ڈاکٹر فیصل سلطان نے کرونا وائرس سے بچاؤ کی ویکسین لگانے سے متعلق اہم ہدایات جاری کردی ہیں۔

پیر کو کرونا ویکسینیشن کی دوسری خوراک لینے کے متعلق معاون خصوصی ڈاکٹر فیصل سلطان نے ٹوئٹ کیا ہے۔ ڈاکٹر فیصل سلطان نے بتایا ہے کہ ویکسین کی دوسری خوراک مخصوص وقت گزرنے کی بعد کسی بھی وقت لی جاسکتی ہے۔سائنوفارم 3 ہفتے،سائنو ویک اور اسٹرازینیکا ویکسین کی 4 ہفتے کے بعد دوسری خوراک لے لیں۔

Covid vaccination - 2nd dose info You can get 2nd dose of the vaccine ANYTIME after the minimum time interval has elapsed Sinopharm - 3 wks Sinovac & Astrazeneca- 4 wks Don't need to wait for reminder SMS from 1166 (comes after 6 wks fr Sinopharm & Sinovac & 12 wks fr AstraZ)

— Faisal Sultan (@fslsltn) August 9, 2021

 انھوں نے واضح کیا کہ ویکسین کی دوسری خوراک کیلئے 1166 سے مسیج کیلئے انتظار نہ کریں۔ ایس ایم ایس کیلئے سائنوفارم کا 6، سائنو ویک اور آسٹرازینیکا کا 12 ہفتوں کا انتظار ضروری نہیں ہے۔

ہفتے کو این سی او سی کےسربراہ اسد عمر نے ٹویٹ کرتے ہوئے بتایا کہ 4 ہفتے پہلے50 سال سے زائد عمر 2 کروڑ 72 لاکھ افراد میں سے 21 فیصد نے وائرس سے بچاؤ کی ویکسین کی ایک خوراک لگوائی تھی تاہم اب یہ تعداد21 فیصد سے بڑھ کر 33 فیصد پر آ گئی ہے۔ انھوں نے زور دیا کہ 50 سال اور زائد عمر کے شہری ویکسین لگوائیں۔