شیخ رشید سےچینی سفیر کی ملاقات،داسو واقعہ کی تحقیقات پرگفتگو
بشکریہ پی آئی ڈی
وفاقی وزیر داخلہ شیخ رشید احمد سے چینی سفیر نے ملاقات میں داسو ہائیڈرو پاور بس حادثے سے متعلق جاری تحقیقات پر بات چیت کی گئی۔
چینی سفیر نے اتوار 8 اگست کو راول پنڈی میں وفاقی وزیر داخلہ کی رہائش گاہ پر ملاقات کی۔ ملاقات میں دونوں رہنماؤں کے درمیان پاک چین دو طرفہ تعلقات سمیت باہمی دلچسپی کے امور پر تبادلہ خیال کیا گیا۔
دونوں رہنماؤں نے داسو ہائیڈرو پاور بس حادثے سے متعلق جاری تحقیقات پر بھی بات چیت کی۔ دونوں رہنماؤں نے اس بات پر اتفاق کیا کہ ان تحقیقات کو جلد سے جلد مکمل کیا جائے گا۔
اس موقع پر وزیرِ داخلہ شیخ رشید احمد نے کہا کہ چینی شہریوں اور پاکستان میں کام کرنے والی چینی کمپنیوں کی سیکیورٹی کو فول پروف بنائیں گے۔ پاک چین اکنامک کوریڈور منصوبہ کسی بیرونی سازش کا شکار نہیں ہونے دیں گے۔
شیخ رشید نے یہ بھی کہا کہ پاکستان اور چین کے درمیان تعلقات میں کوئی طاقت رکاوٹ نہیں بن سکتی۔ اس موق پر چینی سفیر نونگ رونگ نے شیخ رشید سے گفتگو میں کہا کہ پاکستان میں بہت سی چینی کمپنیاں مختلف منصوبوں پر کام کر رہی ہیں۔
چینی سفیر نونگ رونگ کا یہ بھی کہنا تھا کہ چینی شہریوں کو سہولتیں دینے پر پاکستانی وزراتِ داخلہ کا مشکور ہوں۔
Dasu dam
