اسد کھوکھر کے بھائی کی نماز جنازہ ادا کردی گئی ہے
فائل فوٹو
پنجاب کے نامزد صوبائی وزیر ملک اسد کھوکھر کے بھائی ملک مبشر کھوکھر کی نماز جنازہ ادا کردی گئی ہے۔ نماز جنازہ میں سیاسی شخصیات سمیت شہریوں کی بڑی تعداد نے شرکت کی۔
ملک اسد کھو کھر کے بھائی ملک مبشر کی نماز جنازہ ان کے آبائی گاؤں مانووال چوہنگ لاہور میں ادا کی گئی۔ اس موقع پر عزیز و اقارب کی بڑی تعداد بھی موجود تھی۔ نماز جنازہ کے بعد مرحوم کے بلند درجات کیلئے دعا کی گئی۔
واضح رہے کہ ملک مبشر کو گزشتہ جمعہ 6 اگست کو فائرنگ کر کے قتل کیا گیا تھا۔ واقعہ ولیمہ کی تقریب کے دوران پیش آیا۔ وزیراعلیٰ پنجاب بھی شادی کی تقریب میں شریک تھے۔
دوسری جانب بھائی کی ہلاکت کے باعث ملک اسد کھوکھر کے بطور وزیر حلف کی تقریب ملتوی کر دی گئی۔ حلف برداری کی تقریب آج گورنر ہاؤس میں ہونا تھی۔ حلف برداری کی تقریب کی نئی تاریخ کا اعلان بعد میں کیا جائے گا۔
اس کے علاوہ پولیس نے ملزم ناظم کا ابتدائی بیان ریکارڈ کرلیا۔ ملزم ناظم کا کہنا تھا کہ شادی کی تقریب میں مہمانوں کے ساتھ داخل ہوا اور ان میں ہی جا کر بیٹھ گیا تھا۔
ملزم نے مزید اپنے بیان میں بتایا کہ جب وزیراعلیٰ پنجاب واپس جانے لگے تو تینوں بھائی ساتھ تھے۔ میں وزیراعلیٰ کے پیچھے پیچھے مارکی سے باہر آگیا اور وزیراعلی کے رخصت ہوتے ہی مبشر کھوکھر پر فائرنگ کردی۔
ASAD KHOKHAR
