پاکستانی شہری کی فلمی اسٹائل میں بٹوا واپس کرنےکی کہانی

پاکستانی شہری نے شہہ سرخیوں میں جگہ بنالی
Aug 06, 2021
[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2020/08/rahul-wallet-naya-din-6-august.mp4"][/video]

لندن میں بھارتی شہری کا گم شدہ بٹوا طویل جدوجہد کے بعد اس کو لوٹا کر پاکستانی شہری نے شہہ سرخیوں میں جگہ بنالی۔

لاہور سے تعلق رکھنے والے پاکستانی نوجوان غازی تیمور کو لندن شہر کی شورڈچ ہائی اسٹریٹ پر ایک بٹوا ملا جس میں راہول نامی بھارتی شخص کے کریڈٹ کارڈز تھے۔

پاکستانی شہری نے سوچا کہ کیوں نہ اس شخص کو ڈھونڈ کراس کا بٹوا اس تک پہنچایا جائے تاکہ ملک کی ساکھ کو بہتر بنانے کا موقع ملے۔ غازی تیمور نے گوگل سے لے کر فیس بک اور انسٹاگرام سمیت سوشل میڈیا کے تمام پلیٹ فارمز پر راہول کو تلاش کیا مگر اس کو راہول کہیں نہیں ملا۔

غازی تیمور پھر راہول کی تلاش میں سڑکوں پر نکل پڑا اور طویل جدوجہد کےبعد بالآخرراہول مل گیا۔ غازی تیمور نے سماء کے پروگرام نیا دن میں بتایا کہ یہ کام چھوٹی سے نیکی تھی۔ راہول کو بٹوا ملنے پر بہت خوشی ہوئی۔ انھوں نے اپنے بینک کریڈٹ کارڈز کینسل نہیں کروائے تھے اور بٹوا ملنے پر وہ حیران بھی ہوئے تھے۔

غازی تیمور کا کہنا تھا کہ ان کی اس کاوش کو بھارتی میڈیا نے بھی سراہا ہے۔ انھوں نے ٹویٹ کرتےہوئے پیغام دیا کہ پاکستانیوں کے پاس بھارتیوں کے لیے بہت پیار ہے اور وہ بھی ان سے محبت کرتے ہیں۔

LOST WALLET

Tabool ads will show in this div