Uncategorized

خالدمنصور وزیراعظم کے معاون خصوصی برائے سی پیک امورمقرر

عاصم سلیم باجوہ کا خالد منصور کیلئے نیک تمناؤں کا اظہار

خالد منصور کو وزیراعظم کا معاون خصوصی برائے سی پیک امور مقرر کردیا گیا۔ چیئرمین سی پیک اتھارٹی عاصم سلیم باجوہ عہدے سے مستعفی ہوگئے۔ انہوں نے خالد منصور کیلئے نیک تمناؤں کا اظہار کرتے ہوئے کہا ہے کہ سی پیک کی سمت کا تعین کردیا گیا، خالد منصور اسے آگے لے جانے کی پوری صلاحیت رکھتے ہیں۔

وزیراعظم کے معاون خصوصی برائے سیاسی رابطہ شہباز گل نے اپنے ٹویٹر پیغام میں خالد منصور کو وزیراعظم کا معاون خصوصی برائے سی پیک اتھارٹی مقرر کرنے کی تصدیق کردی۔

ان کا کہنا ہے کہ وزیراعظم نے خالد منصور کی تعیناتی کی منظوری دیدی، انہیں خوش آمدید کہتے ہیں اور دعا گو ہیں کہ اللہ آپ کا حامی و ناصر ہو۔

دوسری جانب نمائندہ سماء ٹی وی کے مطابق چیئرمین سی پیک اتھارٹی عاصم سلیم باجوہ نے اپنے عہدے سے استعفیٰ دیدیا۔

عاصم سلیم باجوہ نے اپنے ٹویٹر پیغام میں کہا ہے کہ سی پیک منصوبوں کے مستقبل کی سمت طے کردی گئی، یہ سفر جاری رہے گا، میری نیک تمنائیں خالد منصور کے ساتھ ہیں، جو اسے آگے لے جانے کی پوری صلاحیت رکھتے ہیں۔

انہوں نے کہا کہ اہم ذمہ داریاں ادا کرنے پر اللہ کا شکر گزار ہوں، سی پیک پاکستان کی لائف لائن ہے، یہ ہمیں ترقی پسند اور مکمل طور پر ترقی یافتہ ملک میں بدل دے گا۔

Tabool ads will show in this div