مظلوم بچوں کیلئےشہزادرائے کی آوازمیں فیض کی نظم وائرل

شہزاد رائے نے کشمیری اورفلسطینی بچوں سمیت دنیا کے ہر مظلوم اور تشدد کے شکار بچے کیلئے انقلابی شاعر فیض احمد فیض کی نظم ' آج بازار میں پا بہ جولاں چلو' گاکرریلیز کی ہے۔

شہزاد رائے میوزک کے ذریعہ معاشرے کے سلگتے سیاسی وسماجی مسائل ک اجاگر کرنے میں نمایاں مقام رکھتے ہیں۔

ٹوئٹر پر نئے گانے کی ویڈیو شیئرز کرتے ہوئے انہوں نے لکھا، اب صرف آنسوں اور بے قراری کافی نہیں،آج زمانے کو بتادو کہ تم پرظلم ہورہا ہے'۔

اب صرف آنسو اور بےقراری کافی نہیں آج زمانے کو بتادو کہ تم پر ظلم ہو رہا ہے #faizAhmadFaiz #PressFreedom #childprotection #kashmir #Palestine watch the full video here https://t.co/obbGWn4rNo pic.twitter.com/cNDBPZogOR

— Shehzad Roy (@ShehzadRoy) August 2, 2021

میوزک ویڈیو میں کم سن بچوں کے علاوہ شکستہ حال اور اجڑی عمارتوں کے درمیان شہزاد رائے کو پرفارم کرتے دیکھا جاسکتا ہے ۔

گلوکار نے انسٹاپربھی ویڈیو شیئرکرتے ہوئے سوال اٹھایا کہ 'کیا اسی طرح بچے مرتے رہیں گے اور ہم ڈرتے رہیں گے'۔

View this post on Instagram

A post shared by Shehzad Roy (@officialshehzadroy)

نجی چینل کےتعاون سے ریلیز کی جانے والی اس نظم کی میوزک ویڈیو کے ڈائریکٹرفیصل قریشی ہی اور دھن شانی حیدر نے ترتیب دی ہے۔ پراجیکٹ کیلئے فیض فاؤنڈیشن نے بھی معاونت فراہم کی۔

اس سے قبل فروری 2021 میں شہزادرائے نے طنزو مزاح سے بھرپور سیاسی گانا 'کون کس کا آدمی ہے ' ریلیزکیا تھا۔

ایک انٹرویومیں گلوکار کاکہناتھا کہ یہاں ہر کسی کیلئے کچھ نہ کچھ کہہ دیا جاتا ہے کہ وہ اسرائیل کا آدمی ہے، وہ آئی ایم ایف کا آدمی ہے، لگتاہے ملک میں 22 کروڑ مشکوک افراد گھوم رہے ہيں یہ سلسلہ ختم ہونا چاہیے۔

بچوں کے ساتھ زیادتی اورچائلڈ لیبرسمیت مخلتف سماجی موضوعات پر آوازاٹھانے والے شہزاد رائے اقوام متحدہ کے خیر سگالی سفیر کی حیثیت سے بھی خدمات انجام دے چکے ہیں۔

شہزاد رائے ” زندگی ٹرسٹ ” کے بینر تلے ملک میں تعلیمی معیار بہتربنانے اور سرکاری اسکولوں میں اصلاحات لانے کے لئے کوشاں ہیں۔ انہیں خدمات کے اعتراف میں 2015 میں تمغہ امتیاز اور 2018 میں ستارہ امتیاز سے نوازا جاچکا ہے۔