وزیراعلی سندھ کی صوبےمیں سیکورٹی سخت کرنے کی ہدایت

افغانستان کی صورتحال خراب ہونے کے باعث وزیر اعلیٰ سندھ مراد علی شاہ نے صوبے بھر میں سکیورٹی کے سخت اقدامات کرنے کا فیصلہ کرلیا۔

وزیراعلی سندھ کا کہنا ہے کہ افغانستان کی صورتحال کے پیش نظر صوبے میں سیکورٹی سخت کی جائے جبکہ تمام کالعدم تنظیموں پر کھڑی نظر رکھی جائے۔

انہوں نے کہا کہ صوبے میں دہشتگردی کے واقعات رونما ہونے کے خدشات ہیں، اس لیے کالعدم تنظیموں، مذہبی اور دیگر شرپسند عناصر پر کھڑی نگرانی رکھنے کا فیصلہ کیا گیا ہے۔

مراد علی شاہ نے قانون نافذ کرنے والے حکام کو ہدایت کی ہے کہ سوشل میڈیا سے نفرت آمیز مواد اور دیگر مشکوک ایکٹیویٹیز پر نظر رکھی جائے۔ کچھ عناصر فرقہ ورانہ نفرتوں کو بڑھانے کی کوشش کریں گے، جن کو کسی صورت برداشت نہ کیا جائے۔

وزیراعلی سندھ نے کہا کہ علماء کرام سے اجلاس کروں گا ہمیں اپنے صفوں میں محبت، بھائی چارگی اور اتحاد قائم کرنا ہے۔