کراچی میں کرونا ویکسینیشن سرٹیفکیٹ کی جانچ شروع

کراچی میں نیشنل کمانڈ اینڈ آپریشن سینٹر (این سی او سی) کی ہدایت پرحکام نے شہر کے مختلف علاقوں دکانوں پر چھاپہ مارکر کرونا سرٹیفکیٹ چیک کرنا شروع کردیئے۔

کراچی کے جن علاقوں میں شہریوں سے کرونا ویکسینیشن سرٹیفکیٹ طلب کیےگئے ان میں صدر، کلفٹن، ڈیفنس، گزری اور لیاری کے علاقے شامل ہیں۔

کراچی کی مارکیٹس، شاپنگ سینٹرز، سینیما، ریسٹورنٹس، بیکرز اور مختلف دکانوں پر عملے اور دکانداروں کےکرونا ویکسینیشن سرٹیفکیٹ کی چیکنگ جارہی ہے۔

گزشتہ روز ڈپٹی کمشنر ساؤتھ حسام طارق نے کئی دکانوں کا دورہ کیا اور عملے کے ویکسینیشن سرٹیفکیٹ چیک کئے۔ حکام نے دکانداروں کے پاس سرٹیفکیٹ نہ ہونے پر جرمانے بھی عائد کیے ہیں۔

ڈپٹی کمشنر ساؤتھ نے شہریوں سے اپیل کرتے ہوئے کہا کہ تاجر برادری کرونا ایس او پیز پر سختی سے عمل درآمد کرے، ویکسینیشن کے بغیر کسی کو مارکیٹس، ریسٹورنٹ، شاپنگ مال، شادی ہال اور سینما گھروں میں داخل ہونے کی اجازت نہیں۔

این سی اوسی کی کرونا ویکسینیشن تیز کرنے کی ہدایت

اس سے قبل کراچی میں کرونا ویکسینیشن سے قبل سب سے زیادہ مثبت کیسز کی شرح 11فیصد ریکارڈ کی گئی تھی۔

سندھ حکومت کے مطابق روزانہ کی بنیاد پر سندھ میں کرونا کیسز رپورٹ ہورہے ہیں۔