پاکستان کی کرونا لیب رپورٹس پربرطانیہ کواعتبارنہیں،سیکرٹری اوورسیز پاکستانی

قومی اسمبلی کی قائمہ کمیٹی برائے اوورسیز پاکستانیوں کے اجلاس میں اہم انکشافات سامنے آگئے ہیں۔

پیرکوقائمہ کمیٹی کوبتایا گیا کہ پاکستانی لیب کی جانب سے جعلی کرونا ٹیسٹنگ سرٹیفکیٹ باٹنے پربرطانیہ نے ایکشن لیا ہے۔ سیکرٹری اوورسیز پاکستانی عشرت علی نے کمیٹی کو بریفنگ دیتے ہوئے بتایا کہ برطانیہ پاکستان کی کرونا ٹیسٹنگ لیب کو غیر معیاری تصور کرتا ہے۔پاکستان کی جانب سے کرونا ڈیٹا پر بھی برطانیہ کو یقین نہیں ہے۔

وزارت خارجہ حکام نے بتایا کہ پاکستان کو برطانیہ نے 15 سے زائد ممالک سمیت ریڈ لسٹ میں شامل کیا ہے۔برطانیہ جانے والے اکثرافراد کی منفی رپورٹ دوبارہ ٹیسٹ پر مثبت آئی اور اس معاملے پر وزیراعظم برطانوی حکام سے رابطے میں ہیں۔

وزارت خارجہ حکام نے کمیٹی کو بتایا کہ برطانیہ نے بغیر بتائے پاکستان کوریڈ لسٹ میں شامل کیا ہے۔ برطانیہ میں قرنطینہ کے لئے مختص ہوٹلوں کا حال جیل سے برا ہے۔

عشرت علی نے بتایا کہ برطانیہ میں پاکستانیوں سے 2 ہزار پونڈ لے کر ہوٹل میں قرنطینہ کروایا جا رہا ہے۔