لاہور:گرلز ہاسٹل میں آتشزدگی،3خواتین جاں بحق

خواتین کی شناخت نہ ہوسکی
فائل فوٹو
فائل فوٹو
[caption id="attachment_2316999" align="alignright" width="900"] فائل فوٹو[/caption]

لاہور کے علاقے رائے ونڈ روڈ پر واقع گرلز ہاسٹل میں آتشزدگی کے دوران 3 خواتین جھلس کر جاں بحق ہوگئیں، حادثے میں 2 افراد زخمی بھی ہوئے۔

امدادی ٹیموں کے مطابق آگ سے جھلس کر جاں بحق ہونے والی خواتین کی عمریں 18 اور 40 سال کے درمیان ہیں۔

مرنے والی خواتین کی شناخت نہیں ہوسکی۔ لاشوں کو ضروری کارروائی، جب کہ زخمیوں کو فوری طبی امداد کیلئے اسپتال منتقل کردیا گیا ہے۔ امدادی ٹیموں نے بروقت پہنچ کر آگ پر قابو پالیا۔

عینی شاہدین کے مطابق خواتین نے آگ سے بچنے کیلئے خود کو باتھ روم میں بند کرلیا تھا، جہاں دم گھٹنے سے ان کی موت واقع ہوئی۔

ہاسٹل میں آگ کیسے لگی؟ قانون نافذ کرنے والے اداروں نے تحقیقات شروع کردیں۔ پولیس کا کہنا ہے کہ فی الحال آگ لگنے کی وجہ سے متعلق کچھ کہنا قبل از وقت ہوگا۔

Tabool ads will show in this div