Watch Live
Samaa Logo
English
انٹرٹینمنٹ » فیشن

نمرہ خان نے فردوس عاشق کو رشتہ کروانے والی آنٹی قراردے دیا

والدین کی خواہش تھی اداکاری کروں
سماء لائف اسٹائل ایڈیٹرز Jun 18, 2021
FaceBook Linkedin WhatsApp
سماء ڈیجیٹل

اداکارہ نمرہ خان نے انکشاف کیا ہے کہ ان کے سب سے زیادہ پسندیدہ سیاستدان نوازشریف ہیں۔ اداکارہ کو فردوس عاشق اعوان رشتے کروانے والی آنٹی لگتی ہیں۔

پاکستان سپرلیگ کی مناسبت سے جیو ٹی وی کے پروگرام 'جشن کرکٹ ' میں شریک نمرہ سے میزبان شہزاد اقبال نے پسندیدگی کے لحاظ سےسابق صدر آصف علی زرداری، سابق وزیراعظم نواز شریف ،اورموجودہ وزیر اعظم عمران خان میں سے کسی ایک کا انتخاب کرنے کوکہا۔

جواب میں نمرہ کا ووٹ نواز شریف کے حق میں تھا۔

اس جواب پر میزبان نے پروگرام کے سیٹ ہرشہباز شریف کی نقالی کرنے والے اداکار کے حوالے سے پوچھا کہ کیا آپ نے ان کی وجہ سے نوازشریف کو منتخب کیا ؟ اداکارہ کا کہنا تھا کہ نہیں، دراصل میرے خیال سے لاہوربہت خوبصورت ہے۔

شہبازشریف کی ڈمی نے استفسار کیا کہ لاہورکو اتنا خوبصورت کس نے بنایا، اس پرنمرہ نے فورا جواب دیا '' آپ کی وجہ سے ''۔

فردوس عاشق اعوان کی تصویر دیکھ کر نمرہ نے کہا کہ یہ رشتہ کروانے والی آنٹی اور شکل سے بہت تیز لگتی ہیں اور حال ہی میں ان کی جو ویڈیو سامنے آئی ہے میں تو اب کچھ کہہ بھی نہیں سکتی۔

نمرہ کا اشارہ ٹاک شومیں ہونے والی لڑائی کی جانب تھا جس میں فردوس عاشق اعوان نے پی پی کے ایم این اے عبدالقادر مندوخیل کو تھپڑ رسید کردیا تھا۔

نمرہ نے بتایا کہ اداکاری بالکل نہیں آتی لیکن والدین کی خواہش تھی کہ اس فیلڈ میں آوں، پہلے ڈرامے میں ایک سین کیلئے 40 ری ٹیک کیے ۔ لاہور میں کچھ پرستاروں کی آنکھوں میں پسندیدگی دیکھ کر فیصلہ کیا کہ ایکٹنگ جاری رکھنی ہے۔

نمرہ اسکواش بہت اچھا کھیل لیتی ہیں جس کیلئے ان کی کوچنگ معروف کھلاڑی جہانگیر خان کے ماموں نے کی۔

میکال ذوالفقار، آغاعلی اور عفان وحید میں سے ایک کے انتخاب پر نمرہ نے کہا کہ آغا کے ساتھ بہت کام کیا ہے تو ان سے زیادہ دوستی ہے لیکن عفان بھی مجھے شروع سے بہت زیادہ پسند تھے۔

FIRDOUS ASHIQ AWAN

NIMRA KHAN

FaceBook Linkedin WhatsApp

تجویز کردہ

متعلقہ سٹوریز

مقبول ترین

Tabool ads will show in this div