سینئر سیاست دان ظفرعلی خان لغاری انتقال کرگئے

وفاقی وزیر برائے ریلوے بھی رہے

سینئرسیاست دان اور پیپلز پارٹی کےرہنما حاجی ظفرعلی خان لغاری انتقال کرگئے۔

سابق وفاقی وزیر حاجی ظفر علی خان لغاری کا شمار سابق وزیراعظم بینظیربھٹو اور ذوالفقار بھٹو کے قریبی ساتھیوں میں ہوتا تھا۔ حاجی ظفر علی طویل عرصے سے بیمار تھے اور کراچی کی نجی اسپتال میں زیرِعلاج تھے۔ کچھ  روز قبل وزیراعلی سندھ  مراد علی شاہ نے حاجی ظفر علی خان لغاری کی عیادت بھی کی تھی۔

ظفرعلی خان لغاری وزیرِ ریلوے  بھی رہے۔مرحوم نے پسمانداگان میں 6 بیٹے اور 3 بیٹیاں سوگوار چھوڑے ہیں۔

حاجی ظفر علی کے بیٹے عمران ظفر لغاری رکن قومی اسمبلی ہیں۔ مرحوم کی نمازِ جنازہ خیرپور ناتھن شاہ کےعلاقے سیتاروڈ میں ادا کی جائے گی۔

Tabool ads will show in this div