شفقت محمود کرونا سے مکمل صحتیاب ہوگئے

کرونا وائرس کا شکار وفاقی وزیر تعلیم شفقت محمود کرونا سے مکمل صحت یاب ہوگئے ہیں۔

اپنی ٹویٹ میں وزیر تعلیم نے لکھا کہ ''میرے گذشتہ دونوں کرونا ٹیسٹ منفی آئے ہیں اور آج سے دوبارہ کام پر واپس آرہا ہوں''۔

By the grace of Allah I have fully recovered. My latest two tests are negative. Going back to work today. The mild symptoms and quick recovery are without a doubt because of the vaccination . Clearly vaccines work and are the best defence against this horrible disease

— Shafqat Mahmood (@Shafqat_Mahmood) June 2, 2021

شفقت محمود نے یہ بھی کہا کہ ''بلاشبہ ويکسی نيشن کی وجہ سے جلد ريکوری ہوئی، ويکسين واضح طور پر کام کر رہی ہے اور مدافعت کا بہترين ذريعہ ہے۔

واضح رہے کہ وفاقی وزیر تعلیم کا 25مئی کو کرونا ٹیسٹ مثبت آیا تھا جس کے بعد شفقت محمود نے خود کو گھر میں قرنطینہ کرلیا تھا۔

شفقت محمود کا کرونا ٹیسٹ مثبت آگیا

ملک میں امتحانات لینے اور اسکولز کھولنے سے متعلق بين الصوبائی وزرائے تعليم کا اجلاس آج ہوگا جس کی صدارت وفاقی وزیر تعلیم شفقت محمود کریں گے۔

اجلاس میں گرميوں کی تعطيلات کا معاملہ بھی زیر غور آئے گا اور یکساں تعلیمی نصاب سے متعلق امور پر بھی بات ہوگی۔

دوسری جانب وزیر تعلیم پنجاب مراد راس نے آن لائن امتحان نہ لینے اور ہر صورت امتحان لینے کا اعلان کیا ہے جبکہ وزیر تعلیم سندھ نے بھی امتحانات کی تاریخ دے دی ہے۔ سعید غنی کا کہنا ہے کہ ميٹرک اور انٹر کے امتحانات جولائی ميں ہوں گے۔