اسلام آباد:واٹرپارکس،سوئمنگ پولز،تفریحی مقامات کھولنےکی اجازت

وفاقی دارالحکومت اسلام آباد میں کرونا وائرس کی شرح میں کمی کے بعد پابندیوں میں بھی نرمی کرتے ہوئے واٹر پارکس اور تفریحی مقامات کھولنے کی اجازت دیدی گئی ہے۔

ڈپٹی کمشنر اسلام آباد کی جانب سے جاری نوٹی فیکیشن کے مطابق وفاقی دارالحکومت میں کرونا کیسز میں کمی آنے کے بعد انتظامیہ نے ایس او پیز سے متعلق نرمی کرتے ہوئے اجازت نامہ جاری کردیا۔ جاری اعلامیہ کے مطابق مثبت کیسز کی شرح 4.05 ريکارڈ کی گئی ہے۔ کرونا اموات اور مثبت کیسز میں کمی کا رجحان بھی برقرار ہے۔

اعلامیہ کے مطابق صورت حال میں بہتری پر واٹرپارکس، سوئمنگ پولز اور تفریحی مقامات کھول دیئے جائیں گے، تاہم تمام تفریحی مقامات پر 50 فیصد گنجائش کی اجازت ہوگی۔ ان ڈور فوڈ کورٹس اور ڈائن ان کی اجازت نہیں ہوگی۔ ہفتہ اور اتوار کے روز سوئمنگ پولز اور پارکس بند رہیں گے۔

پابندی میں نرمی کا اطلاق فوری طور پر ہوگا۔ ضلعی انتظامیہ کو ہدایت دی گئی کہ تفریحی مقامات پر کرونا ایس او پیز پر سختی سے عملدرآمد یقینی بنایا جائے۔

31-May-2021
*NOTIFICATION*
(Office of the Deputy Commissioner Islamabad)@dcislamabad pic.twitter.com/WKpDTYzd6d

— Islamabad Capital Territory (@ICTA_GoP) May 31, 2021

دوسری جانب مائیکرو بلاگنگ سائٹ پر سربراہ اين سی او سی اسد عمر نے بھارت اور پاکستان کی آبادی کے تناسب سے کرونا اموات کا موزانہ پيش کيا ہے۔ اسد عمر نے لکھا کہ اللہ تعالی کا شکر ہے پاکستان ميں اموات کم ہيں۔ عوام حفاظتی تدابیر پر عمل کريں اور ویکسین لگوائیں۔

بھارت میں کرونا سے ہلاک ہونے والوں کی تعداد 236 فی ملین آبادی ہے. پاکستان میں یہ شرح 92 فی ملین ہے. اگر بھارت کی کرونا اموات کی شرح آبادی کے تناسب سے وہی ہوتی جو پاکستان کی ہے، تو بھارت میں 2 لاکھ اموات کم ہوتیں. اللہ کا شکر ادا کریں، حفاظتی تدابیر پر عمل کریں اور ویکسین لگوائیں

— Asad Umar (@Asad_Umar) May 31, 2021