اسرائیلی مظالم اجاگر کرنےپر فیسبک پیج بلاک

عرب مسلمانوں سمیت فلسطینیوں کی بڑی تعداد فیسبک پیج پر موجود تھی

سماجی رابطے کی سائٹ فیس بک نے فلسطین میں شیخ جارح کی صورتحال کی اپڈیٹ دینے والے گروپ کو بند کر دیا۔

فلسطین کی صورتحال پر نظر رکھنے والی بلاگر لورا البست نے اپنے ٹویٹ میں لکھا کہ فیس بک انتظامیہ نے 'سیف شیخ جارح گروپ' نامی فیسبک پیج کو بلاک کردیا ہے جس پر عرب مسلمانوں سمیت فلسطینیوں کو بڑی تعداد سوشل میڈیا کے ذریعے اپڈیٹس حاصل کررہی تھی۔

انہوں بتایا کہ 'سیف شیخ جارح گروپ' نامی پیج کو محمد آل کرد اور مونا کرد نامی دو لوگ چلارہے تھے۔ جس میں وہ علاقے کی صورتحال اور دیگر اپڈیٹس فراہم کررہے تھے۔

امریکا: مسجد کےباہر نامعلوم افراد کی فلسطینیوں کیخلاف نفرت انگیزچاکنگ

فیس بک انتظامیہ نے یہ کہہ کہ پیج کو بلاک کیا کہ انہوں نے کمیونٹی گائیڈ لائنز کی خلاف ورزی کی ہے۔

دوسری جانب امریکا میں امریکی ریاست نیویارک میں مظلوم فلسطینی مسلمانوں سے خلاف مسجد کے باہر نامعلوم افراد نے نفرت انگیز چاکنگ کردی جس میں فلسطینیوں کو قتل کی دھمکی دی گئی یے۔

اسرائیلی حملوں میں شہداء کی تعداد109ہوگئی، غزہ سرحدپرفوج میں اضافہ

یاد رہے فلسطین اور اسرائیل کے درمیان کشیدہ صورتحال پر بلایا گیا سلامتی کونسل کا اجلاس امریکا کی ایما پر اتوار تک موخر کردیا گیا ہے۔

واضح رہے اسرائیلی فضائی حملوں میں شہید فلسطینیوں کی تعداد109 سے تجاوز کرچکی ہے، شہداء میں 28 بچے اور 15 خواتین بھی شامل ہیں جبکہ 621 افراد زخمی ہیں۔

Gaza Under Attack

Save Sheikh Jarrah

Tabool ads will show in this div