عائشہ عمر، شفقت محمود پرتنقید کرنے والے طلباء پربرس پڑیں

اداکارہ عائشہ عمرنے کیمرج امتحانات کے معاملے پرطلباء کی جانب سے وفاقی وزیر تعلیم شفقت محمود کیخلاف نامناسب زبان کے استعمال پر آواز اٹھائی ہے ۔

پاکستان میں کرونا کی تیسری اور تشویشناک لہرکے باعث چند ہفتوں سے سوشل میڈیا پر کیمرج امتحانات منسوخ کروانے کیلئے مہم چلائی جارہی تھی، اس حوالے سے آواز اٹھانے والوں میں وقار ذکاء اور سماجی رہنما جبران ناصر کے علاوہ گلوکار عاصم اظہر سمیت کئی معروف سیلبرٹیزبھی شامل رہیں۔

حال ہی میں اینکرپرسن عاصمہ شیرازی کے پروگرام '' فیصلہ آپ کا '' میں ٹوئٹرٹرینڈز کے حوالے سے بات کرتے ہوئے شفقت محمود نے طلباء کی جانب سے اپنائے جانے والے رویے پرافسوس و مایوسی کا اظہار کیا۔

سولہ سترہ سال کے بچے کیمبرج امتحانات کے معاملے پر ٹوئٹر پر جو زبان استعمال کر رہے ہیں میں سمجھتا ہوں بحیثیت والدین، اساتذہ، حکومت یہ ہم سب کی مشترکا ناکامی ہے۔۔ افسوسناک ہے۔۔ وفاقی وزیر تعلیم شفقت محمود کا شکوہ#FaislaAapKa Aaj News Live@Shafqat_Mahmood @aaj_urdu @FaislaAapKaa pic.twitter.com/Dr9R8YCFXU

— Asma Shirazi (@asmashirazi) April 26, 2021

وفاقی وزیرتعلیم کا کہنا تھا کہ جس قسم کی زبان طلباء استعمال کررہے ہیں یہ ہماری حکومت، والدین اوراساتذہ کی اجتماعی ناکامی ہے۔ 16، 17 سال کے بچے جو زبان استعمال کررہے ہیں،وہ سُن کر بھی شرم آتی ہے۔

اسی حوالے سے سماجی رابطوں کی سائٹ ٹوئٹرپر اظہارخیال کرتے ہوئے عائشہ نے لکھا '' عزیز طلباء، تنقید یا اختلاف رائے کا مطلب یہ نہیں کہ آپ کسی کی تضحیک کریں۔ ہم اپنا نقطہ نظرتمیز کے ساتھ بھی بیان کرسکتے ہیں ''۔

Dear Students. Criticism and difference of opinion does NOT mean one needs to be disrespectful. We can get our point across with respect. Let’s try to regulate and stabilise our emotions in stressful situations. It’s better for us and others. Positive manifestations also help.

— Ayesha Omar (@ayesha_m_omar) April 29, 2021

عائشہ عمر نے مزید لکھا کہ '' پریشان کن حالات میں جذبات پر قابو پانے کی کوشش کریں، یہ ہمارے اور دوسروں کے لیے بہترہے''۔

ٹویٹ کے علاوہ عائشہ نے انسٹا اسٹوریزمیں بھی اسکرین شاٹ شیئرکرتے ہوئے لکھا کہ'' یہ شرمناک ہے، کیا ہم ایسی قوم پروان چڑھارہے ہیں، جوبڑوں کا بالکل احترام نہیں کرتے۔کسی سے اتفاق نہ کرنے کامطلب یہ نہیں کہ آپ تذلیل یا تضحیک کریں، ہمیں بہت سی چیزوں پردوبارہ سوچنے کی ضرورت ہے''۔

اداکارہ نے والدین کو بھی تجویز دی کہ ان کے بچے آن لائن کیا کررہے ہیں، اس حوالے سے نگرانی کیے جانے کا وقت آ گیا ہے۔

وزارت تعلیم کی جانب سے کرونا کیسزمیں اضافے کے باوجود کیمرج امتحانات کاآغازکیا گیا تاہم بعد ازاں گزشتہ منگل کو انہیں ملتوی کرنے کا اعلان کردیا گیا۔ اس دوران وفاقی وزیرتعلیم کو سوشل میڈیا پر خاصی تنقید کا سامنا بھی کرنا پڑا اوران کا نام ٹاپ ٹرینڈز میں شامل رہا۔