شنیرا اکرم بھارت کے لیے دُعاگو

شنیرا اکرم نے بھارت میں خطرناک حد تک کرونا پھیل جانے کے باعث موجودہ صورتحال پر افسردگی کا اظہار کیا ہے۔

سابق کرکٹ کپتان وسیم اکرم کی اہلیہ نے سماجی رابطوں کی سائٹ ٹوئٹرپرایک ویڈیو رپورٹ شیئر کی جس میں حالیہ دنوں میں بھارت کا عالمی وبا سے شدید حد تک متاثرہونا دکھایا گیا ہے ۔

شنیرا نے کیپشن میں لکھا '' بہت ہی افسوسناک، اس نادیدہ بلا کے خلاف دفاع کا واحد طریقہ اسے سمجھنا ہے۔ خود کی حفاظت کریں، اپنے پیاروں کی حفاظت کریں ''۔

So so sad. The only form of defence against this Invisible Monster is to try to understand it. Protect yourselves, protect your loved ones ? My Prayers are with you India stay strong ???? https://t.co/SdBtLfxv9U

— Shaniera Akram (@iamShaniera) April 22, 2021

مشکل صورتحال سے دوچار بھارتی قوم سے اظہار ہمدردی کرنے والی شنیرا نے مزید لکھا '' میری دعائیں آپ کے ساتھ ہیں بھارت، مضبوط رہیں ''۔

بھارت میں کرونا کی نئی قسم سامنے آنے پر کیسز میں انتہائی تیزی سے اضافہ ہوا۔ ملک بھرمیں یومیہ لاکھوںنئے کیسزرپورٹ کیے جارہےہیں جس کے باعث اسپتالوں میں جگہ کم پڑ گئی اور آکسیجن سلینڈر بھی دستیاب نہیں۔

گزشتہ روز3 لاکھ 15 ہزارکیسز رپورٹ ہونے کے بعد بھارت دنیا بھر میں اب تک کے سب سے زیادہ یومیہ کیسزریکارڈ کیے جانے والا ملک بن گیا ہے۔

بھارتی ذرائع ابلاغ کے مطابق گزشتہ 24 گھنٹےسب سے زیادہ ہلاکت خیز ثابت ہوئے ہیں جن میں ایک ہزار 625 افراد وائرس سے ہلاک ہوئے۔ دوسری جانب بھارتی دارالحکومت نئی دلی میں ایک دن میں سب سے زیادہ 25 ہزار سے زیادہ کیسز سامنے آئے ۔ ایک اندازے کے مطابق دلی میں ٹیسٹ کروانے والا ہر تیسرا شخص کرونا کا شکارہے۔