مختلف شہروں میں بارش، برف باری سے موسم سرد

ملک کے مختلف شہروں میں بارشوں اور ژالہ باری نے موسم خوشگوار کردیا جبکہ آزاد کشمیرکے بالائی علاقوں میں برف باری سے سردی کی شدت ميں مزید اضافہ ہوگيا۔

آزادکشمیر کے علاقوں وادی نیلم، شاردا، کیل اور گریس میں برف باری سے سردی کی شدت میں اضافہ ہوگیاجبکہ مظفرآباد سمیت کئی شہروں میں بارش سے شئے نکھر گئی۔

ايبٹ آباد سميت گليات ميں بھی بارش اورژالہ باری کا سلسلہ وقفے وقفے سے جاری ہے۔ ژالہ باری سے ہرطرف سفیدی چھاگئی جبکہ سردی کی شدت میں بھی اضافہ ہوچکا ہے۔ مانسہرہ اور گردونوح کے علاقوں میں بھی بادلوں نے اپنا رنگ خوب جمایا ہے۔

ملکہ کوہسار مری پنڈی بھٹیاں اور شکرگڑھ ميں بھی ابرکرم برسنے سے گرمی کی شدت میں کمی ہوگئی جبکہ کامونکی میں موسلادھار بارش سے موسم خوشگوار ہوگیا۔