سیلفی سےانکارکے بعد شہزادرائےکے ساتھ کیا ہوا؟

پاکستان میں کرونا کی تیسری لہرعروج ہر ہے لیکن اس کے باوجود اسے خاطرمیں نہ لانے والوں کی کمی نہیں، گلوکار شہزاد رائے نے فالوورزکے ساتھ ایک واقعہ شیئرکیا ہے جس میں ان کے رویے کو کرونا سے زیادہ خطرناک قراردے دیا گیا۔

گلوکارنے اپنی ٹویٹ میں بتایا ''میرے ساتھ سیلفی بنوانے کیلئے ایک لڑکا میرے پاس آیا جس نے ماسک نہیں پہنا ہواتھا، مین نے اسے واپس جانے کیلئے کہہ دیا۔ چند منٹ بعد اس کے والد میرے پاس آئے اورمیرے رویے پرناراضگی کااظہار کیا '' ۔

A boy came up to me for selfie,not wearing a mask..I asked him to step back.Min later his father came angrily & told me off for being rude.I told him,its for boy’s safety.He replied “Itna nuqsan to is buchay ko corona say bhi nahi hota,Jitna tum nay is ka dil dukha kay kiya hai?

— Shehzad Roy (@ShehzadRoy) April 12, 2021

شہزادرائے نے مزید بتایا کہ '' میں نے انہیں بتایا کہ یہ بچے کی حفاظت کیلئے تھا، جس پر اس کے والد نے جواب دیا، اتنا نقصان تو اس بچے کو کرونا سے بھی نہیں ہوتا جتنا تم نے اس کا دل دکھا کے کیا ہے ''۔

گلوکارکی اس ٹویٹ پران کے مداحوں نے خوب دلچسپ تبصرے کیے، کسی کولگا کہ والد کا موقف ٹھیک تھا کیونکہ دل کسی صورت نہیں توڑنا چاہیے تو کسی نے مشورہ دیا کہ آپ کو ڈپلومیٹک رویہ اختیار کرتے ہوئے کہنا چاہیے تھا'' بیٹا آپ کا ماسک کہاں ہے؟''، اس سے بہت سے مسائل حل ہوجاتے ہیں۔

ایک اور ٹویٹ میں کراچی کی گرمی سے پریشان شہزاد رائے نے اس کا حل نکالتے ہوئے اپنے بال چھوٹے کرلیے۔

Wanted to grow my hair long but karachi ki garmi ? told Sajid to just cut it as short as you can ... waah.... ab lagta hai air conditioner lagwa liya hai pic.twitter.com/X37KOqH9Vf

— Shehzad Roy (@ShehzadRoy) April 12, 2021

نئے ہیئراسٹائل کے ساتھ تصویر شیئرکرنے والے گلوکارنے لکھا '' بال بڑھانا چاہتا تھا لیکن کراچی کی گرمی کی وجہ سے ساجد کو کہا کہ بال اتنے چھوٹے کردو جتنے تم کرسکتے ہو۔ واہ ، اب لگتا ہے ائرکنڈیشنرلگوا لیا ہے''۔

شہزاد رائے کے فالوورز نے ان کے اس نئے انداز کو بیحد پسند کرتے ہوئے تعریفی تبصرے کیے۔