کوہاٹ:4سالہ حریم کےقتل کامعمہ حل ہوگیا

قتل پڑوسن نے کیا، پولیس
Apr 07, 2021

کوہاٹ میں پولیس 4 سالہ بچی حریم فاطمہ کے قتل کا معمہ حل کرتے ہوئے قاتل تک پہنچ گئی۔

ضلعی پولیس آفیسر سہیل خالد کا کہنا ہے کہ بچی کو اس کی پڑوسن رابعہ نے قتل کیا جس کا اعتراف ملزمہ نے کرلیا ہے۔

سہیل خالد نے بتایا کہ ملزمہ ایک ذہنی مریضہ ہے جس کا بچی کے گھر آنا جانا تھا۔ انہوں نے مزید بتایا کہ ملزمہ رابعہ نے بچی کو گلہ گھونٹ کے قتل کیا جس کا اس نے اعتراف کر لیا ہے۔

قتل کی وجہ بتاتے ہوئے پولیس افسر نے بتایا کہ ملزمہ کا تحریم کے چچا حسن سے تعلق تھا تاہم حسن کے خاندان نے شادی سے انکار کردیا تھا جو معصوم بچی کے قتل کا سبب بنا۔

یاد رہے کہ ابتدائی پوسٹ مارٹم رپورٹ میں ڈاکٹر نے بچی کے ساتھ ریپ ہونے کا خدشہ ظاہرکیا تھا تاہم ضلعی پولیس آفیسر کا کہنا ہے کہ حتمی رپورٹ کے مطابق ایسا کوئی معاملہ نہیں ہوا۔

Kohat

Tabool ads will show in this div