فنکاراپنے فن کیلئے رائلٹی کے مستحق ہیں

اداکارہ عشنا شاہ نے حکومت سے مطالبہ کیا ہے کہ وہ اداکاروں کو ان کی خدمات کے اعتراف میں انشورنس ، ریٹائرمنٹ پلان اور رائلٹی مہیا کریں۔

عشنا کے مطابق "رائلٹی کا مقصد فنکاروں کو زندگی بھر کا کھانا کھلانا ہے لیکن پاکستان میں ہم شکستہ دل کے ساتھ تنہا چھوڑ دیا جاتا ہے۔

Royalties are meant to feed artists for life but in PK we are heartbreakingly forsaken. #NailaJafri shouldn't have had to publicly request for what is hers on her cancer bed. Many artists have relied on the kindness of samaritan fans once their distress was made public. 1/2

— Ushna Shah (@ushnashah) April 6, 2021

رائلٹی اداکرنے کے معاملے پر بیشتر شوبزشخصیات آواز اٹھارہی ہیں جس کی وجہ گزشتہ ہفتے سامنے آنے والی اداکارہ نائلہ جعفری کی ویڈیو ہے۔ 6 سال سے کینسرکیخلاف جنگ لڑنے والی نائلہ نے چینلز سے درخواست کی تھی کہ مجھ سمیت تمام اداکاروں کو ان کے دوبارہ نشرکیے جانے والے ڈراموں کیلئے رائلٹی ادا کی جائے۔

اس سے قبل اداکار یاسرحسین نے بھی اس حوالے سے آواز اٹھاتے ہوئے کہا تھا کہ نائلہ کی ویڈیو دیکھنے کے بعد ایک مہربان شخص مدد کیلئے آگے آیا اور اب وہ ان سے براہ راست رابطے میں ہے۔

میکال ذوالفقار بھی کئی بار شوبزبرادری پرزور ڈال چکے ہیں کہ رائلٹی کی ادائیگی کے حوالے سے کوئی مربوط لائحہ عمل طے کیاجائے۔

منشاء پاشا نے بھی اس حوالے سے حیرت کا اظہار کیا کہ پاکستان میں فنکاروں اور تکنیکی ماہرین کو کب ان کا حق دیا جائے گا۔

When can we expect proper policies for artists and technicians in this country so that they dont have to make a video from a hospital bed in order to ask for that which would have been guaranteed in another country? @shiblifaraz https://t.co/305RyjXvNo

— Mansha Pasha (@manshapasha) April 5, 2021

نائلہ کی جانب سے سوشل میڈیا پرکی جانے والی درخواست کے بعد اداکاروں کو رائلٹی کی ادائیگی موضوع بحث بن گئی ہے۔ نائلہ ویڈیومیں درخواست کررہی ہیں کہ چینل مالکان ان کے دوبارہ دکھائے جانے والے ڈراموں کی رائلٹی ادا کریں تو یہ ان کیلئے مددگار ثابت ہوگی۔

مغرب میں اداکاررائلٹی کما کراچھے انداز میں زندگی گزارتے ہیں ، جسے ٹیلی ویژن کی صنعت میں "بقایا جات " کہا جاتا ہے۔ ایک رپورٹ کے مطابق ، 1990 کے ہٹ سٹ کام '' فرینڈز'' میں کام کرنے والے اداکارو ں کو اسے دوبارہ نشرکرنے پرایک قسط کے تقریبا 10ہزار ڈالرز ادا کیے گئے۔