اسٹرنگز:33سال بعدعلیحدگی نےشوبزسیلیبریٹیزکےدل توڑدیے

پاکستان کے معروف میوزیکل بینڈ ''اسٹرنگز'' کے 33 سال بعد ختم کردیے جانے کے اعلان نے مداحوں کے ساتھ ساتھ شوبزشخصیات کو بھی دھچکا پہنچایا ہے۔

گزشتہ روز بینڈ کے آفیشل انسٹاگرام اکاؤنٹ سے کی جانے والی پوسٹ میں بلال مقصود او فیصل کپاڈیہ نے لکھا '' یہ پوسٹ کچھ مختلف ہے، ہم نے فیصلہ کیا ہے کہ آج 25 مارچ 2021 وہ دن ہے جب ہم اسٹرنگز کو ختم کر رہے ہیں''۔

مداحوں کو اس بات کی اطلاع دیتے ہوئے انہوں نےلکھا '' 33 سال ہم دونوں کے لیے بہترین رہے ہیں، اس طرح کام کرنے کے مواقع بہت کم ملتے ہیں۔ ہمارا بینڈ تیکنیکی اعتبار سے ختم ہو گیامگر ہم دونوں کے درمیان نہ ختم ہونے والا ایک نہ ختم ہونے والا تعلق قائم ہوا ہے جو آئندہ بھی قائم رہے گا ''۔

اس بینڈ کی بنیاد 1988 میں کالج کے چار طلباء بلال مقصود (گلوکار و گٹارسٹ) ، فیصل کپاڈیہ (گلوکار)، رفیق وزیرعلی (سنتھیسائزر) اور کریم بشیربھائی (باس گٹار) نے رکھی تھی جس نے پاکستانی نوجوانوں کے علاوہ بھارت میں بھی بہت سے آرٹسٹس کو متاثرکیا۔ بعد ازاں 1992 میں دو ارکان کی علیحدگی کے بعد سال دوہزار میں بلال مقصود اور فیصل کپاڈیہ نے اپنی واپسی کی تھی۔

اسٹرنگز کی جانب سے اس اعلان کے بعد شوبز شخصیات نے سوشل میڈیا پراپنے جذبات کا اظہار کیا۔

گلوکارفرحان سعید نے لکھا کہ اس بینڈ کی تقسیم کے بارے میں سننے سے زیادہ مشکل کوئی اور چیز نہیں ۔

اداکار گوہر رشید نے ریمارکس دیے کہ اسٹرنگز میں علیحدگی کے بعد "موسیقی ویسی نہیں رہے گی"۔

#Strings (the band) has decided to conclude their band ? and the world of music will not be the same anymore ? what a heartbreaker #TheEnd

— Mirza Gohar (@GoharRsd) March 25, 2021

احمد علی بٹ نے بینڈ کو اپنی جوانی کے دنوں میں سب سے زیادہ متاثر کن اشیاء میں سے ایک قرار دیا۔

ڈینو علی نے اسٹرنگز کا شکریہ ادا کیا۔

Strings have ended but the countless memories will remain- thank you Bilal and Faisal bhai for shaping our lives with your music - love you guys #strings #pakistan pic.twitter.com/sZEs0QmEaZ

— Dino Ali (@iDinoAli) March 25, 2021

میوزک اسٹریمنگ پلیٹ فارم پٹاری نے لکھا "ہمیں بہترین موسیقی دینے کے لئے آپ کا شکریہ۔"

Thank you @stringsonline (1988-2021) ? Goodbye to one of the the biggest bands of Pakistan. We all have wonderful memories with your songs. Thank you for giving us the best music.

Listen to Strings on Patari: https://t.co/QE54l4D3M0#Strings #StringsForever #StringsBreakup — Patari (@patarimusic) March 25, 2021

بھارتی یوٹبر بھوون بام نے بلال اور فیصل کیلئے نیک خواہشات کا اظہار کیا۔

اسٹرنگز کے معروف گانوں میں سرکیے یہ پہاڑ ، نجانے کیون ، کوئی آنے والا ہے ، دھانی ،زندہ، آخری الوداع اور دیگرشامل ہیں۔

بینڈ کا پہلا البم 2003 میں ''اسٹرنگز'' کےنام سے ریلیز کیا گیا تھا، اس کے علاوہ دور، دھانی، تھرٹی، کوئی آںے والا ہے، اسٹرنگز2 بھی بینڈ کے کریڈٹ پرہیں۔