ای سی ایل سےنام نکلوانےکی درخواست نہیں کروں گی،مریم نواز

مسلم لیگ ن کی نائب صدر مریم نواز کہتی ہیں کہ اب دہليز پر آکر بھی کوئی کہے تو ای سی ايل سے نام نکلوانے کی درخواست نہيں کروں گی۔

لاہور ميں صحافيوں سے گفتگو میں مریم نواز نے بتایا کہ ايک چھوٹی سی سرجری اُن کی بھی ہونی ہے اور وہ پاکستان ميں ہو ہی نہيں سکتی مگر اب جينا مرنا يہيں ہے۔

انہوں نے کہا کہ گزشتہ سال ای سی ایل سے نام نکالنے کے لیے لاہور ہائی کورٹ میں درخواست دائر کی تھی لیکن کرونا وائرس کی وجہ سے معاملہ تاخیر کا شکار ہے۔

نواز شریف کی صاحبزادی نے کہا کہ سنا ہے کچھ وزرا باہر بھيجنے کی باتيں کر رہے ہيں مگر اب انھيں خود جانا ہوگا۔

مسلم لیگ ن کی نائب صدر مریم نواز کا کہنا تھا کہ حکومت کی کاکردگی ايسی ہوگئی ہے کہ اب ايک پيج والے بھی پريشان ہوگئے ہيں۔