محمد رضوان کو ملتان سلطانز کی کپتانی مل گئی

فوٹو: پی سی بی

پاکستان سُپر لیگ (پی ایس ایل) کی ٹیم ملتان سلطانز نے محمد رضوان کو شان مسعود کی جگہ کپتان مقرر کردیا۔

ٹیم مینجمنٹ کے مطابق محمد رضوان پی ایس ایل سیزن 6 میں سلطانز کی قیادت کریں گے۔ رضوان کو اس سیزن میں ہی سلطانز نے اپنے اسکواڈ میں شامل ہوئے ہیں۔

Official Announcement: Multan Sultans announces Mohammad Rizwan as captain of the franchise for #HBLPSL6 pic.twitter.com/dIFD3TKaub

— Multan Sultans (@MultanSultans) February 15, 2021

ملتان سلطانز کے مالک عالمگیر ترین کا کہنا ہے کہ رضوان نے حالیہ ڈومیسٹک سیزن میں شاندار قائدانہ صلاحیت کا مظاہرہ کیا، اس بنیاد پر انہیں ملتان کی کپتانی سونپی گئی ہے۔

دوسری جانب سی ای او ملتان سلطان نے شان مسعود کی کپتانی کا شکریہ بھی ادا کیا۔

محمد رضوان نے اس موقع پر کہا کہ ملتان سلطانز کی قیادت ملنے پر پرجوش ہوں، سینیئر کرکٹرز کی موجودگی میں ٹیم کامبی نیشن اچھا بنے گا۔

اس سے قبل محمد رضوان نے 2017-16 میں لاہور قلندرز جبکہ گزشتہ سیزن میں کراچی کنگز کی نمائندگی کی تھی۔