چیئرمین نیب نے میگا کرپشن کیسز پر رپورٹ طلب کرلی

چیئرمین نیب نے تمام بیوروز سے میگا کرپشن کیسز پر پیشرفت رپورٹ طلب کرلی ہے۔ ہاؤسنگ سوسائٹی کیسز سے متعلق رپورٹ بھی ایک ماہ میں پیش کرنے کا حکم دیا گیا ہے۔

نیب اعلامیے کے مطابق چیئرمین جسٹس ریٹائرڈ جاوید اقبال نے میگا کرپشن مقدمات کو قانون کے مطابق منطقی انجام تک پہنچانے کی ہدایت کی ہے۔

اپنے بیان میں چیئرمین نیب کا کہنا تھا کہ بڑی مچھلیوں کیخلاف کیسز فائلوں میں ہرگز دبا کر نہ رکھے جائیں۔

چیئرمین نیب نے مزید کہا کہ مقررہ مدت کے اندر مقدمات تیار کرکے ریفرنس دائر کیا جائے اور کرپشن کیخلاف زیرو ٹالرینس پالیسی پر عمل یقینی بنایا جائے۔