حکومت سے متعلق بیان پر پرویز خٹک کی وضاحت
وفاقی وزیر دفاع پرویز خٹک نے وزیراعظم عمران خان کی حکومت سے متعلق بیان پر واضح دیتے ہوئے کہا ہے کہ عمران خان کے مجھ پر احسانات ہیں جبکہ میرے بیان کو میڈیا پر غلط انداز میں چلایا گیا۔
مائیکرو بلاگنگ سائٹ ٹوئٹر پر وفاقی وزیر دفاع پرویز خٹک نے وضاحت کرتے ہوئے کہا کہ میں عمران خان کا احسان مند ہوں۔ عمران خان کے مجھ پر بڑے احسانات ہیں۔
Clearly mentioned in my speech for the locals of my village in Nowshera that I’m sincere & indebted to Imran Khan.We are successful in our const. due to our efforts & support of IK. We will defeat all opp. parties ganged up against the candidate we are supporting for the by-elec.
— Pervez Khattak (@PervezKhattakPK) January 31, 2021
قبل ازیں نوشہرہ میں اپنے گاؤں مانکی شریف میں بڑے اجتماع سے خطاب کرتے ہوئے وفاقی وزیر دفاع پرویز خٹک نے کہا تھا کہ میں چاہوں تو ایک دن میں حکومت گرا سکتا ہوں، لیکن مجھ پر عمران خان کے احسانات ہیں۔ آج سارے پاکستان سے میں مقابلہ کرتا ہوں۔
انہوں نے یہ بھی کہا تھا کہ اپوزیشن والے میری عزت کرتے ہیں۔ صوبائی اسمبلی کے ضمنی الیکشن میں میرے امیدوار کے مقابلے میں تمام اپوزیشن جماعتیں اور میرے رشتے دار اکھٹے ہوگئے ہیں۔ لیکن ان سب کو ایک ساتھ گراؤں گا۔
پرویز خٹک نے کہا کہ جب وزیراعلیٰ تھا تو یہاں مانکی شریف میں اپنے رشتے داروں کو بھرتیوں/ ترقیاتی کاموں کے اختیارات دیئے اور جن کو میں اختیارات دیتا ہوں وہ آ سمان پر پہنچ جاتے ہیں لیکن جب اختیارات واپس لیتا ہوں تو وہی لوگ صفر ہو جاتے ہیں، مگر المیہ یہ ہے کہ جس کو اختیارات سے نوازتا ہوں وہ میرے مقابلے میں کھڑا ہوجاتا ہے۔
