اسامہ ستّی قتل کیس: تحقیقاتی رپورٹ آج پیش کی جائیگی

نئے آئی جی اسلام آبادکی مقتول کے والدین سے ملاقات
Jan 09, 2021

Usama Satti murder

اسلام آباد میں پولیس کی فائرنگ سے جاں بحق ہونے والے نوجوان اسامہ ستّی کے قتل کی تحقیقاتی رپورٹ آج چیف کمشنر کو پیش کی جائے گی۔

اسامہ ستّی گذشتہ ہفتے پولیس اہلکاروں کی فائرنگ سے جاں بحق ہوا تھا۔

اسلام آباد کے نئے آئی جی قاضی جمیل مقتول اسامہ ستّی کے گھر پہنچے اور والدین سے ملاقات کرکے انہیں انصاف فراہم کرنے کی یقین دہانی کرائی۔

اسامہ ستّی قتل کیس، 5پولیس اہلکار ملازمت سے برطرف

دوسری جانب جی 9 سروس روڈ چوک کا نام اسامہ ستّی شہید چوک رکھنے کی سفارش کی گئی ہے جس کے لیے ضلعی انتظامیہ نے سی ڈی اے کو خط لکھ دیا ہے۔

اسامہ ستّی کے والدین نے چوک کو مقتول کے نام سے منسوب کرنے کا مطالبہ کیا تھا۔

قتل میں ملوث اسلام آباد پولیس کی 5 اہلکاروں کو ملازمت سے برطرف بھی کر دیا گیا ہے۔ ملزمان انسداد دہشت گردی کی عدالت کی جانب سے جسمانی ریمانڈ پر پولیس کے حوالے ہیں۔

USAMA SATTI

Tabool ads will show in this div