ہزارہ واقعہ پر اظہارِغم کیلئےمیرے پاس الفاظ نہیں،ملالہ

مجھے امید ہے کہ یہ آخری سانحہ ہوگا
Jan 07, 2021

انسانی حقوق کی کارکن ملالہ یوسف زئی نے ہزارہ کان کنوں کے وحشیانہ قتل پر افسوس کا اظہار کیا ہے ۔

دنیا کی کم عمر ترین نوبیل انعام یافتہ پاکستانی تعلیمی رہنما اور انسانی حقوق کی کارکن ملالہ یوسف زئی نے اپنے ٹوئٹر بیان میں کہا کہ ہزارہ کان کنوں کے وحشیانہ قتل پر اظہارِغم کے لئے میرے پاس الفاظ نہیں۔

ان کا کہنا تھا کہ یہ پہلا موقع نہیں کہ ان کے ساتھ ایسا کیا گیا ہو لیکن مجھے امید ہے کہ یہ آخری سانحہ ہوگا۔ اس پر پورا ملک سوگ میں ہے۔

ملالہ کا مزید کہنا تھا کہ میں وزیر اعظم عمران خان سے ملتمس ہوں کہ وہ جلد ازجلد شہدا کے اہل خانہ سے ملنے جائیں۔

یاد رہے کہ دہشت گردوں نے 3 جنوری کو بلوچستان کے ضلع بولان کے علاقے مچھ میں اغوا کے بعد 11 کان کنوں کو قتل کردیا تھا، جس کے خلاف ہزارہ برادری گزشتہ 5 دن سے احتجاج کررہی ہے۔

Malala Yousufzai

Tabool ads will show in this div