بہاولپورپی ڈی ایم ریلی:مقامی قائدین، مدرسہ منتظمین کیخلاف مقدمہ درج

مدرسے کے طلباء کو زبردستی لے جانے پر مقدمہ
Jan 05, 2021

PDM rally

بہاولپور میں انتظامیہ کے روکنے کے باوجود پی ڈی ایم ریلی کے انعقاد پر مقامی قائدین اور مدرسے کے طلبا کو زبردستی لے جانے پر مدرسہ جامعتہ العلوم فتیحہ کے منتظمین کے خلاف بھی مقدمہ درج کرلیا گیا۔

ضلعی انتظامیہ کی واضح ہدایات کے باوجود ریلی کے انعقاد پر ن لیگی رہنما اور سابق مشیر برائے وزیراعظم سعود مجید، ایم پی اے ملک ظہیر چنڑ، سابق وزیر بلیغ الرحمن، سابق ایم پی اے اقبال چنڑ سمیت دیگر کارکنان کے خلاف مختلف تھانوں میں مقدمات کا اندراج کیا گیا۔

مقدمات میں کرونا ایس او پیز کی خلاف ورزی، اجتماعات کا انعقاد اور ساؤنڈ سسٹم ایکٹ کی خلاف ورزی کی دفعات بھی شامل کی گئیں ہیں جبکہ مولانا فضل الرحمن کی ریلی میں احمدپور شرقیہ میں واقع مدرسہ جامعتہ العلوم فتیحہ کے منتظم قاری اللہ بخش کے خلاف ڈپٹی ڈسٹرکٹ آفیسر محکمہ صحت کی مدعیت میں مقدمہ درج کرلیا گیا۔

مقدمے میں موقف اختیار کیا گیا ہے کہ مدرسہ منتظمین نے انتظامیہ کی ہدایات کو نظر انداز کرتے ہوئے مدرسے کے بچوں کو بہاولپور ریلی میں شرکت کے لیے وین میں بھیجا اور طلبہ کی زندگیاں خطرے میں ڈالیں۔

PDM

Tabool ads will show in this div