عمران خان کی طارق جمیل کی صحت کیلئے دعا

وزیراعظم عمران خان نے عالمی وبا کرونا وائرس میں مبتلا ہونے والے ممتاز عالمِ دین طارق جمیل کی صحت کیلئے دعا کی ہے۔
سماجی رابطے کی سائٹ ٹوئٹر پر وزیراعظم عمران خان نے مولانا طارق جمیل کیلئے کرونا وائرس سے جلد اور مکمل صحت یابی کے لیے دعا کی ہے۔
Praying for Maulana Tariq Jamil's speedy and full recovery from Covid 19.
— Imran Khan (@ImranKhanPTI) December 14, 2020
واضح رہے کہ گزشتہ روز اتوار 13 دسمبر کو مولانا طارق جمیل کی جانب سے ٹوئٹر پر جاری کردہ اپنے پیغام میں بتایا گیا تھا کہ گزشتہ کچھ ایام سے اُن کی طبیعت ناساز تھی جس کے باعث کرونا وائرس کا ٹیسٹ کرایا تو رپورٹ مثبت آگئی ہے۔
ممتاز خطیب مولانا طارق جمیل نے بتایا ہے کہ ڈاکر کے مشورے کے بعد اسپتال میں داخل ہوگیا ہوں۔ انہوں نے تمام محبین سے خصوصی دعاؤں کی درخواست بھی کی ہے۔
السلام علیکم ورحمة الله
— Tariq Jamil (@TariqJamilOFCL) December 13, 2020
گذشتہ کچھ ایام سے طبعیت ناساز تھی، ٹیسٹ کروانے پر کورونا پازیٹو آیا ہے ،
اطبّاء کے مشورے سے ہسپتال داخل ہو گیا ہوں، تمام محبین سے خصوصی دعاؤں کی درخواست ہے۔#tariqjamil