ظفر اللہ جمالی ابھی حیات ہیں، عارف علوی

صدر مملکت نے سابق وزیراعظم کے انتقال کی ٹویٹ کی تھی

میر ظفر اللہ جمالی تشویشناک حالت میں اسپتال میں داخل ہیں، صدر مملکت عارف علوی نے اپنے ٹویٹر پیغام میں سابق وزیراعظم کے انتقال کا اعلان کیا تھا تاہم بعد ازاں ٹویٹ ڈیلیٹ کردیا۔

سابق وزیراعظم میر ظفر اللہ جمالی کو اتوار کو راولپنڈی کے اسپتال میں داخل کرایا گیا تھا، وہ اس وقت وینٹی لیٹر پر ہیں۔

کچھ دیر قبل صدر مملکت نے اپنا سابقہ ٹویٹ ڈیلیٹ کرتے ہوئے نیا پیغام جاری کیا جس میں بتایا گیا کہ میر ظفر اللہ جمالی کے بیٹے سے بات ہوئی ہے، ان کے مطابق سابق وزیراعظم کی حالت تشویشناک ہے اور وہ وینٹی لیٹر پر ہیں تاہم وہ حیات ہیں۔

عارف علوی نے میر ظفر اللہ جمالی کے اہل خانہ سے معذرت کرتے ہوئے لکھا کہ میں نے غلط معلومات پر مبنی ٹویٹ ڈیلیٹ کردی ہے۔

میر ظفر اللہ جمالی سابق صدر پرویز مشرف کے دور حکومت میں وزیراعظم پاکستان منتخب ہوئے تھے، وہ 2002ء سے 2004ء تک اس عہدے پر رہے۔ انہوں نے تقریباً 55 برس قبل سیاسی کیرئیر کا آغاز تھا، وہ پاکستان ہاکی فیڈریشن کے صدر بھی رہ چکے ہیں۔

ARIF ALVI

Zafar Ullah Jamali

Tabool ads will show in this div